ઉત્તર કોરિયાના દુશ્મન દેશની ફિલ્મ જાેઈને ૨ છોકરાઓની જાહેરમાં ગોળી મારીને કરી હત્યા

દક્ષિણ કોરિયા અને ઉત્તર કોરિયા વચ્ચે તણાવ ચાલુ છે. દક્ષિણ કોરિયાએ દાવો કર્યો છે કે ઉત્તર કોરિયાએ તેની પશ્ચિમી અને પૂર્વીય દરિયાઈ સરહદમાં તોપોમાંથી લગભગ ૧૩૦ શેલ છોડ્યા છે. તેથી બંને પાડોશીઓ વચ્ચેના સંબંધો વધુ તંગ બન્યા છે. આ દરમિયાન ઉત્તર કોરિયાથી વધુ એક ચોંકાવનારા સમાચાર સામે આવ્યા છે. કહેવામાં આવી રહ્યું છે કે અહીં ભીડની સામે બે છોકરાઓને ખુલ્લેઆમ ગોળી મારી દેવામાં આવી હતી. બંનેની ઉંમર માત્ર ૧૫-૧૬ વર્ષની હતી. તેમની ભૂલ માત્ર એટલી હતી કે બંનેએ દક્ષિણ કોરિયામાં બનેલી ફિલ્મ જાેઈ હતી. આ ઘટના ઑક્ટોબરની છે, પરંતુ તેના મૃત્યુની માહિતી ગયા અઠવાડિયે જ સામે આવી હતી. રેડિયો ફ્રી એશિયા સાથે વાત કર્યા પછી, પ્રત્યક્ષદર્શીઓએ જણાવ્યું હતું કે તેઓને સજા જાેવા માટે ફરજ પાડવામાં આવી હતી.

એકે કહ્યું કે હેસન શહેરમાં રહેતા લોકોને રનવે પર ભેગા થવા માટે કહેવામાં આવ્યું હતું. લોકોએ કહ્યું કે અધિકારીઓએ ટીન-એજ વિદ્યાર્થીઓને લોકોની સામે મૂક્યા, તેમને મૃત્યુદંડની સજા સંભળાવી અને તરત જ ગોળી મારી દીધી. ચીનની સરહદે આવેલા હેસનના રહેવાસીઓએ જણાવ્યું હતું કે તેમને કહેવામાં આવ્યું હતું કે જેઓ દક્ષિણ કોરિયન ફિલ્મો અને નાટકો જુએ છે અથવા તેનું વિતરણ કરે છે અને જેઓ અન્ય લોકોની હત્યા કરીને સામાજિક વ્યવસ્થાને ભંગ કરે છે તેમને માફ કરવામાં આવશે નહીં અને સજા કરવામાં આવશે. આ મૃત્યુની મહત્તમ સજા હશે. હકીકતમાં, અધિકારીઓએ લોકોને દક્ષિણ કોરિયન ફિલ્મો અથવા સંગીત જાેવા અથવા સાંભળવા વિશે ચેતવણી આપી હતી.

આ વર્ષની શરૂઆતમાં, એવા અહેવાલ હતા કે કિમ જાેંગ ઉનના કાકાને કૂતરાઓ દ્વારા મારાવવામાં આવ્યા હતા. ચીનના એક અખબારે દાવો કર્યો હતો કે ૨૦૧૩માં તેના જંગ સોંગ-થેકને મારી નાખવામાં આવ્યો હતો અને કુલ ત્રણ દિવસ સુધી ભૂખ્યા રહેતા ૧૨૦ કૂતરાઓને ખવડાવવામાં આવ્યા હતા. ઉત્તર કોરિયામાં લોકો તેમના બાળકોના નામ બોમ્બ અને બંદૂકો રાખતા હોય છે. તમને જાણીને નવાઈ લાગશે કે આવું તાનાશાહ કિમ જાેંગ ઉનના આદેશ પર કરવામાં આવી રહ્યું છે, જેથી બાળકોના નામમાં દેશભક્તિની ભાવના દેખાય.