મણિપુરમાં બે સ્કૂલ બસનો અકસ્માત, ૧૫ વિદ્યાર્થીઓના મોતની છે આશંકા!
![](https://citywatchnews.com/wp-content/uploads/2022/12/File-01-Page-20-16-1140x620.jpg)
મણિપુરમાંથી એક મોટા સમાચાર આવી રહ્યા છે, જ્યાં બુધવારે સવારે થયેલા રોડ અકસ્માતમાં કેટલાય વિદ્યાર્થીઓના મોત થયા હોવાની આશંકા છે. મણિપુરના નોની જિલ્લામાં બુધવારે સવારે આ દુર્ઘટના સર્જાઈ હતી. આ દુર્ઘટના લોંગસાઈ તુંબું ગામ પાસે બિષ્ણુપુર-ખોપુમ રોડ પર થઈ હોવાનું કહેવાય છે. પ્રાપ્ત વિગતો અનુસાર જાેઈએ તો, યારીપોકની થમ્બલનું હાયર સેકન્ડરી સ્કૂલના વિદ્યાર્થીઓને લઈને જતી બે બસો ખોપુમ તરફ જઈ રહી હતી. તે દરમિયાન આ અકસ્માત સર્જાયો હતો. તાજેતરમાં જે રીતે વિગતો મળી રહી છે, તે અનુસાર જાેઈએ તો, આ દુર્ઘટનામાં ૧૫ વિદ્યાર્થીઓના મોત થયા છે, જ્યારે અન્ય કેટલાય ઘાયલ થયા છે. મૃત્યુઆંકની સત્તાવાર પુષ્ટિ થવાની હજુ બાકી છે.
Recent Comments