મહારાષ્ટ્રના પુણેમાં નદીના કિનારેથી ૭ લોકોના મૃતદેહ મળતા પોલીસ આશ્ચર્યચકિત થઇ

મહારાષ્ટ્રના પુણેમાં એક પરિવારની આત્મહત્યાના મામલો સામે આવ્યો છે. પોલીસનું કહેવું છે કે પુણેમાં પરિવારના સાત સભ્યોએ આત્મહત્યા નથી કરી, પરંતુ તેમની હત્યા કરવામાં આવી છે. તમને જણાવી દઈએ કે મહારાષ્ટ્રના પુણે જિલ્લામાં નદીના કિનારેથી ત્રણ બાળકો સહિત એક જ પરિવારના સાત સભ્યોના મૃતદેહ મળી આવ્યા હતા. એક પોલીસ અધિકારીએ જણાવ્યું કે મૃતકોમાં એક વૃદ્ધ દંપતી, તેમની પુત્રી અને જમાઈ અને ત્રણ પૌત્રોનો સમાવેશ થાય છે. આ ઘટના પુણે જિલ્લાના દાઉન્ડની છે. આ ઘટના સામે આવ્યા બાદ દાઉન્ડ શહેરમાં ચકચાર મચી ગયો છે.

પુણેની ગ્રામીણ પોલીસે તેમની તપાસ બાદ ખુલાસો કર્યો હતો કે ૭ લોકોની હત્યા કરીને તેમના મૃતદેહ નદીમાં ફેંકી દેવામાં આવ્યા હતા. આ કેસમાં પોલીસે કેટલાક લોકોની અટકાયત કરી છે. પહેલા તો પોલીસને લાગ્યું કે આ સામૂહિક આત્મહત્યાનો મામલો છે, પરંતુ તપાસ થતાં જ હત્યાનો મામલો સામે આવ્યો, જેના પછી પોલીસે દરોડો પાડીને કેટલાક આરોપીઓને કસ્ટડીમાં લીધા. હાલ હત્યાનું કારણ બહાર આવ્યું નથી. હકીકતમાં, અગાઉ એવું કહેવામાં આવ્યું હતું કે મૃતકના પુત્રએ એક પરિણીતા યુવતીને લઈને ભાગી ગયો હતો, જ્યારથી તે છોકરીને લઈને પાછો ન આવ્યો તો પિતાએ પરિવારના અન્ય ૬ સભ્યો સાથે મળીને જીવનનો અંત લાવવાનો ર્નિણય કર્યો. અગાઉ એવો દાવો કરવામાં આવ્યો હતો કે નગર જિલ્લાના પારનેર તાલુકાના નિખોજમાં રહેતા આ પરિવારે ભીમા નદીમાં કૂદીને આત્મહત્યા કરી હતી. પરંતુ હવે પોલીસે સ્પષ્ટ કર્યું છે કે આ આત્મહત્યાનો નહીં પરંતુ હત્યાનો મામલો છે.

પોલીસને ભીમા નદીમાંથી પતિ-પત્ની, પુત્રી અને જમાઈ અને તેના ૩ પૌત્રોના મૃતદેહ મળી આવ્યા હતા. પોલીસે જણાવ્યું કે આ ઘટના ૧૭ જાન્યુઆરીએ બની હતી. મૃતકોમાં ચાર લોકોના નામ મોહન ઉત્તમ પવાર, સંગીતા મોહન પવાર, રાની શામ ફુલવારે, શામ ફુલવારે છે. એક પોલીસ ઈન્સ્પેક્ટરે જણાવ્યું કે મૃતક મળી આવેલા તમામ સાત લોકો એક જ પરિવારના છે, જેમાં એક દંપતી, તેમની પુત્રી અને જમાઈ અને તેમના ત્રણ પૌત્રોનો સમાવેશ થાય છે. મૃતદેહો ભીમા નદીના પટમાં એકબીજાથી લગભગ ૨૦૦ થી ૩૦૦ મીટરના અંતરે મળી આવ્યા હતા. તેમણે કહ્યું કે મૃતદેહોને બહાર કાઢવામાં આવ્યા છે, જ્યારે મૃત્યુનું કારણ અને તેના સંજાેગોની તપાસ કરવામાં આવી રહી છે.