દેશની પ્રથમ ઈલેક્ટ્રિક એસી ડબલ ડેકર બસ મુંબઈમાં દોડશે, જાણો બસની અનેક સુવિધાઓ..

દેશની આર્થિક રાજધાની મુંબઈમાં રહેતા લોકોને બેસ્ટ તરફથી મોટી ભેટ મળી છે. મ્ઈજી્‌ બસ મુંબઈના રસ્તાઓ પર દેશની પ્રથમ ઈલેક્ટ્રિક એસી ડબલ ડેકર બસ દોડાવવા જઈ રહી છે. અત્યાર સુધી તમે લંડન અને ન્યૂયોર્ક જેવા શહેરોની સડકો પર આવી બસો દોડતી જાેતા હતા, પરંતુ હવે માત્ર ૪-૫ દિવસ પછી તમે મુંબઈના રસ્તાઓ પર આ બસો દોડતી જાેશો. મુસાફરોની સુરક્ષાને ધ્યાનમાં રાખીને બસમાં અનેક સુવિધાઓ આપવામાં આવી છે.

મુસાફરો માટે બસની અંદર સીટ બેલ્ટ, સીસીટીવી, સ્પીકર તમામ સુવિધાઓ ઉપલબ્ધ રહેશે. જાે બેઠક ક્ષમતાની વાત કરીએ તો બસમાં એક સમયે ૬૫ લોકો બેસીને મુસાફરી કરી શકે છે. જેમાં ૧૫ થી ૨૦ લોકો ઉભા રહીને મુસાફરી કરી શકશે. બૃહન્મુંબઈ ઇલેક્ટ્રિક સપ્લાય એન્ડ ટ્રાન્સપોર્ટ અંડરટેકિંગ (મ્ઈજી્‌) દ્વારા એવો દાવો કરવામાં આવ્યો છે કે આ બસ એકવાર ચાર્જ કર્યા પછી ૧૨૦ થી ૧૪૦ કિલોમીટર સુધી દોડી શકાય છે. તે ૮૦ થી ૯૦ મિનિટમાં સંપૂર્ણ ચાર્જ થઈ જશે. આ મહિનાના અંત સુધીમાં, ૫ ઇલેક્ટ્રિક એસી ડબલ ડેકર બસો મુંબઈમાં વિવિધ સ્થળોએ ચલાવવામાં આવશે.

માર્ચના અંત સુધીમાં ૨૦ ઇલેક્ટ્રિક એસી ડબલ ડેકર બસો વિવિધ રૂટ પર દોડાવવામાં આવશે. સ્વિચ કંપનીને બેસ્ટ તરફથી કુલ ૨૦૦ બસો બનાવવાનો ઓર્ડર મળ્યો છે. બેસ્ટ પાસે હાલમાં ૩૬૦૦ બસો છે, જેનો આ વર્ષના અંત સુધીમાં ૭૦૦૦નો લક્ષ્યાંક છે. જેમાં બેસ્ટની મહિલા સ્પેશિયલ બસોની સંખ્યા વધીને ૫૦૦ થવા જઈ રહી છે, જે હાલમાં ૧૩૬ છે. પરિવહન ખાધને વધુ ઘટાડવા માટે, બેસ્ટે આગામી વર્ષ સુધીમાં તમામ બસોને ટેપ-ઇન-ટેપ-આઉટ કરવાનો લક્ષ્યાંક નક્કી કર્યો છે. આનો અર્થ એ છે કે તમામ બસો કંડક્ટર વિનાની રહેશે. મ્ઈજી્‌ પાસે હાલમાં ૨૦૦ ડિજિટલ એટલે કે ટૅપ ઇન-ટેપ આઉટ બસ છે.