આવકવેરા વિભાગે ૧૨૭ કરોડની બેનામી સંપત્તિ શોધી, ટૂંકજ સમયમાં મુખ્તાર અંસારીની થશે પૂછપરછ

કુખ્યાત બાહુબલી અતીક અહેમદ બાદ હવે માફિયા ડોન મુખ્તાર અંસારી પણ તપાસ એજન્સીઓના નિશાના પર આવી ગયો છે. તપાસ એજન્સીઓ મુખ્તાર અંસારીને ત્રણ તબક્કામાં ઘેરી લેવાની યોજના ધરાવે છે. આવકવેરા વિભાગે ૧૨૫ કરોડની બેનામી સંપત્તિ મામલે જેલમાં મુખ્તાર અંસારીની પૂછપરછ કરવાની તૈયારી કરી લીધી છે. આવકવેરા વિભાગના બેનામી પ્રોપર્ટી યુનિટે માફિયા ડોન મુખ્તાર અંસારીની લગભગ ૧૨૭ કરોડ રૂપિયાની બેનામી સંપત્તિનો પર્દાફાશ કર્યો છે. અત્યાર સુધીની તપાસ દરમિયાન જાણવા મળ્યું છે કે, મોટાભાગની મિલકતો મુખ્તાર અંસારી અને તેના સંબંધીઓ અને નજીકના લોકોએ ખરીદી છે. તપાસ દરમિયાન મળેલા દસ્તાવેજાે અનુસાર, કંપનીના જે ડાયરેક્ટરો દ્વારા કેટલીક મિલકતો ખરીદવામાં આવી હતી તેમાં મુખ્તાર અંસારીના નજીકના સાથીનું નામ પણ સામેલ છે, જેની સામે એક કેસમાં ચાર્જશીટ કરવામાં આવી છે.

આવકવેરા વિભાગના બેનામી પ્રોપર્ટી યુનિટે આ મામલે ઓપરેશન પેન્થર હેઠળ કાર્યવાહી શરૂ કરી છે. બેનામી પ્રોપર્ટી યુનિટ દ્વારા ૧૧ એપ્રિલે આમાંથી એક પ્રોપર્ટી પણ એટેચ કરવામાં આવી છે. આવકવેરા વિભાગ આ મામલામાં મુખ્તાર અંસારી સામે ૩ પગલાં હેઠળ કાર્યવાહી કરવા જઈ રહ્યું છે. તેના પ્રથમ તબક્કામાં મુખ્તાર અંસારીની ૧૨૭ કરોડ રૂપિયાની સંપત્તિની ઓળખ કરવામાં આવી છે. બીજા તબક્કામાં આ મિલકતો જપ્ત કરવામાં આવી રહી છે. ત્રીજા તબક્કામાં આવકવેરા વિભાગ કોર્ટમાં અરજી દાખલ કરશે. જે અંતર્ગત તે મુખ્તાર અંસારીની પૂછપરછ માટે પરવાનગી માંગશે. કોર્ટમાંથી પરવાનગી મળ્યા બાદ આવકવેરા વિભાગના બેનામી સંપત્તિ વિભાગના અધિકારીઓ જેલમાં મુખ્તાર અંસારીની પૂછપરછ કરાશે. તપાસ દરમિયાન આવકવેરા વિભાગને ખબર પડી કે, ગાઝીપુરમાં ૧૨ કરોડ રૂપિયાને જપ્ત કરવામાં આવેલી સંપત્તિની ખરીદી વખતે જે ચેક રજૂ કરવાનો હતો તે જ આપવામાં આવ્યો ન હતો. આવી સ્થિતિમાં આવકવેરા વિભાગને શંકા છે કે, આ સમગ્ર નાણા કાળુ નાણું હોઈ શકે છે.

તેની સાથે મુખ્તાર અંસારીની પત્ની અને નજીકના લોકો પણ આ કંપનીઓમાં સામેલ હોવાનું કહેવાય છે. સરકારી સૂત્રોના જણાવ્યા અનુસાર, સરકાર ઇચ્છે છે કે, ગુના દ્વારા બનાવવામાં આવેલી અને બેનામી લેવામાં આવેલી મિલકતોને જપ્ત કરીને આ વ્હાઇટ કોલર ગુનેગારોની આર્થિક કમર તોડી શકાય. આ રીતે તેમના પર સ્ક્રૂને કડક કરી શકાય છે. તેથી જ આ કાર્યવાહી કરવામાં આવી રહી છે. આવકવેરા વિભાગના રિપોર્ટ બાદ મુખ્તાર અંસારીની મુસીબતો વધુ વધી શકે છે. આ સાથે અન્ય તપાસ એજન્સીઓ પણ કાળા નાણાની તપાસમાં પોતાની તપાસ શરૂ કરી શકે છે.