સુદાનમાં ફસાયેલા પોતાના નાગરિકોને બહાર કાઢવા માટે ભારતે ‘ઓપરેશન કાવેરી’ શરૂ કર્યું

હિંસાગ્રસ્ત સુદાનમાંથી તેના નાગરિકોને બહાર કાઢવા માટે ભારતે સોમવારે ‘ઓપરેશન કાવેરી’ શરૂ કર્યું હતું. વિદેશ મંત્રી એસ જયશંકરે ટ્‌વીટ કરીને આ જાણકારી આપી. વિદેશ મંત્રી જયશંકરે કહ્યું કે, ભારતીય જહાજાે અને વિમાન ભારતીયોને ઘરે લાવવા માટે તૈયાર છે. જયશંકરે પોતાના ટ્‌વીટમાં કહ્યું, ‘સુદાનમાં ફસાયેલા અમારા નાગરિકોને પરત લાવવા માટે ઓપરેશન કાવેરી શરૂ થઈ ગયું છે. લગભગ ૫૦૦ ભારતીયો સુદાનના બંદરે પહોંચી ગયા છે. ઘણા વધુ રસ્તા પર છે. અમારા જહાજાે અને વિમાન તેમને (નાગરિકોને) ઘરે પાછા લાવવા માટે તૈયાર છે. સુદાનમાં અમારા ભાઈઓને તમામ સહાય પૂરી પાડવા માટે પ્રતિબદ્ધ છીએ. નોંધનીય છે કે, રવિવારે ભારતે કહ્યું હતું કે, હિંસાગ્રસ્ત સુદાનમાં ફસાયેલા ભારતીયોને આ આફ્રિકન દેશમાંથી સુરક્ષિત રીતે બહાર કાઢવા માટે તેની આકસ્મિક યોજનાના ભાગરૂપે બે ઝ્ર-૧૩૦ત્ન લશ્કરી પરિવહન વિમાનને જેદ્દાહમાં ઉડવા માટે તૈયાર રાખવામાં આવ્યા છે.

ઉપરાંત, ભારતીય નૌકાદળનું એક જહાજ પ્રદેશના એક મહત્વપૂર્ણ બંદર પર તૈનાત કરવામાં આવ્યું છે. શુક્રવારે એક ઉચ્ચ સ્તરીય બેઠકમાં, વડા પ્રધાન નરેન્દ્ર મોદીએ સુદાનમાંથી ૩૦૦૦ થી વધુ ભારતીયોને સુરક્ષિત બહાર કાઢવા માટે આકસ્મિક યોજનાઓ તૈયાર કરવા સૂચના આપી હતી. નોંધનીય છે કે, સુદાનમાં છેલ્લા ૧૦ દિવસથી સેના અને અર્ધલશ્કરી દળો વચ્ચેની ભીષણ લડાઈમાં ૪૦૦થી વધુ લોકોએ જીવ ગુમાવ્યા છે. વિદેશ મંત્રાલયે કહ્યું હતું કે, સુદાનમાં ફસાયેલા ભારતીયોની સુરક્ષા સુનિશ્ચિત કરવા માટે ભારત દરેક પ્રયાસ કરી રહ્યું છે. મંત્રાલયે કહ્યું, “અમે સુદાનમાં જટિલ અને વિકસતી સુરક્ષા પરિસ્થિતિ પર નજીકથી નજર રાખી રહ્યા છીએ,” મંત્રાલયે ઉમેર્યું, “અમે સુદાનમાં ફસાયેલા ભારતીયોને સુરક્ષિત બહાર કાઢવા માટે અને સુદાન છોડવા માગતા વિવિધ ભાગીદારો સાથે નજીકથી સંકલન કરી રહ્યા છીએ.”

વિદેશ મંત્રાલય અને સુદાનમાં ભારતીય દૂતાવાસ સુદાનના અધિકારીઓ સાથે નિયમિત સંપર્કમાં છે, જેમાં સંયુક્ત રાષ્ટ્ર, સાઉદી અરેબિયા, સંયુક્ત આરબ અમીરાત (ેંછઈ), ઇજિપ્ત અને યુએસનો સમાવેશ થાય છે. ઉૐર્ંએ રવિવારે સુદાનના આરોગ્ય મંત્રાલયની એક પોસ્ટને રીટ્‌વીટ કરી હતી જેમાં જણાવ્યું હતું કે, અત્યાર સુધીની લડાઈમાં ઓછામાં ઓછા ૪૨૦ લોકો માર્યા ગયા છે, અને ૩,૭૦૦ ઘાયલ થયા છે. એક અલગ નિવેદનમાં, યુએસ સ્ટેટ સેક્રેટરી એન્ટોની બ્લિંકને જણાવ્યું હતું કે, તમામ યુએસ કર્મચારીઓ અને તેમના પરિવારોને સુરક્ષિત રીતે બહાર કાઢવામાં આવ્યા છે, અને ખાર્તુમમાં યુએસ એમ્બેસીની કામગીરી “અસ્થાયી રૂપે સ્થગિત” કરવામાં આવી છે. નોંધપાત્ર રીતે, ૧૫ એપ્રિલે, સુદાનની રાજધાની ખાર્તુમ અને સુદાનના અન્ય વિસ્તારોમાં આર્મી ચીફ અબ્દેલ ફત્તાહ અલ-બુરહાનના વફાદાર દળો અને નાયબ હરીફ મોહમ્મદ હમદાન ડગલોની વચ્ચે હિંસા ફાટી નીકળી હતી. શક્તિશાળી અર્ધલશ્કરી દળ રેપિડ સપોર્ટ ફોર્સને આદેશ આપે છે.