૨૦થી વધુ જવાનોની હત્યા કરનાર માઓવાદી ઝડપાયો

ઝારખંડ પોલીસને નક્સલ મુક્ત ઝારખંડ બનાવવાના ઉદ્દેશ્ય સાથે ચલાવવામાં આવી રહેલા અભિયાનમાં સતત સફળતા મળી રહી છે, લગભગ એક દાયકાથી ફરાર ૨૦થી વધુ જવાનોની હત્યામાં સંડોવાયેલા નાગેન્દ્ર ઉરાંવ ઉર્ફે ચુલબુલ ઉર્ફે ડૉક્ટર અને ઝ્રઁૈં માઓવાદી સંગઠનના ઝોનલ કમાન્ડરને પોલીસે ઝડપી લીધો છે. લાતેહાર જિલ્લાના અન્ય એક સ્કવોડના સભ્ય ગોદાન કોરબાને ગરુ પોલીસ સ્ટેશન વિસ્તારના ભવરબંધ જંગલમાંથી ગુપ્ત માહિતીના આધારે ધરપકડ કરવામાં સફળતા મળી છે. લાતેહાર જિલ્લા પોલીસ અધિક્ષક અંજની અંજને જણાવ્યું હતું કે વર્ષ ૨૦૧૩માં કટિયા જંગલમાં પોલીસ દળ પર થયેલા હુમલા દરમિયાન ૧૨ પોલીસ કર્મચારીઓની ર્નિદયતાથી હત્યા કરવામાં આવી હતી. જેમાં નક્સલવાદી નાગેન્દ્ર ઉરાંવ ઉર્ફે ડૉક્ટરનો સમાવેશ થાય છે. આ સાથે વર્ષ ૨૦૧૮માં ખાપરીમહુઆના જંગલમાં માઓવાદીઓની ટુકડી દ્વારા પોલીસ ટીમ પર હુમલો કરવામાં આવ્યો હતો, આ હુમલામાં લગભગ અડધો ડઝન પોલીસકર્મીઓ શહીદ થયા હતા, ધરપકડ કરાયેલા માઓવાદી ઝોનલ કમાન્ડર નાગેન્દ્ર ઉરાંવને આ હુમલામાં મહત્વની ભૂમિકા ભજવી હતી. આ સિવાય લાતેહાર પોલીસ સ્ટેશન વિસ્તારના ચંદવામાં પોલીસ પેટ્રોલિંગ પાર્ટી પર હુમલો કરીને ચાર પોલીસકર્મીઓને મારવાના કેસમાં પકડાયેલા ઝોનલ કમાન્ડર નાગેન્દ્ર ઉરાંવ ઉર્ફે ડૉક્ટરે પણ ભૂમિકા ભજવી છે.

૨૦થી વધુ જવાનોની હત્યામાં પોલીસ છેલ્લા કેટલાય સમયથી તેમને પકડવાનો પ્રયાસ કરી રહી હતી. નાગેન્દ્ર ઉરાંવ દરેક વખતે પોલીસ ટીમને ચકમો આપીને ભાગી જતો હતો. જાે કે, આ વખતે ગુપ્ત માહિતીના આધારે, લાતેહાર જિલ્લા પોલીસે સીપીઆઈ માઓવાદી સંગઠનના ઝોનલ કમાન્ડર નાગેન્દ્ર ઉરાંવ ઉર્ફે ડૉક્ટર અને સ્કવોડના સભ્ય ગોદાન કોરબાની ગરુ પોલીસ સ્ટેશન વિસ્તારના ભવરબંધ જંગલમાંથી ધરપકડ કરવામાં સફળતા મેળવી છે. જણાવી દઈએ કે ઝારખંડના પલામુ જિલ્લાના પાકીના રહેવાસી નાગેન્દ્ર ઉરાંવ માત્ર ૧૪ વર્ષની ઉંમરમાં સીપીઆઈ માઓવાદી સંગઠનમાં જાેડાયા હતા. અત્યંત ચપળ હોવાને કારણે તેને માઓવાદી સંગઠનની ગેરિલા ટુકડીનો કમાન્ડર બનાવવામાં આવ્યો હતો. પોલીસના હાથે ઝડપાયેલા ઝોનલ કમાન્ડર નાગેન્દ્ર ઉરાંવને ખડતલ જંગલોમાં છુપાઈને હુમલો કરવાની કળામાં મહારત મેળવી હતી. આ સાથે જ તે ઔષધિઓમાં પણ માહેર હતો, જેના કારણે તેને સીપીઆઈ-માઓવાદી સંગઠનના લોકો ડોક્ટર કહેતા હતા. તમને જણાવી દઈએ કે ઝારખંડના અલગ-અલગ જિલ્લામાં સુરક્ષાદળો દ્વારા નક્સલવાદીઓ વિરુદ્ધ અભિયાન સતત ચલાવવામાં આવી રહ્યું છે. એક અઠવાડિયા પહેલા, ઝારખંડના ગુમલા જિલ્લામાં બે અલગ-અલગ એન્કાઉન્ટર દરમિયાન ત્રણ લાખના ઈનામ સાથે એરિયા કમાન્ડર રાજેશ ઉરાં અને છ લાખના ઈનામવાળા સબ-ઝોનલ કમાન્ડર લાજીમ અંસારી એન્કાઉન્ટર દરમિયાન માર્યા ગયા હતા.