પીએમ મોદીએ ગ્રેમી વિજેતા ગાયિકા ફાલ્ગુની શાહ સાથે ગીત ગાયું

વડા પ્રધાન નરેન્દ્ર મોદીએ બાજરીના ફાયદા અને વિશ્વની ભૂખ ઘટાડવાની તેમની સંભવિતતાને પ્રકાશિત કરવા માટે માટે ગ્રેમી એવોર્ડ વિજેતા ભારતીય-અમેરિકન ગાયક ફાલુ સાથે મળીને એક ગીત લખ્યું છે. ‘એબન્ડન્સ ઈન મિલેટ્‌સ’ ગીત મુંબઈમાં જન્મેલી ગાયિકા-ગીતકાર ફાલ્ગુની શાહ અને તેના પતિ અને ગાયક ગૌરવ શાહે ગાયું છે. શાહને ફાલુ તરીકે ઓળખવામાં આવે છે. આ ગીત ૧૬ જૂને એટલે આજે રિલીઝ થશે. ભારતના પ્રસ્તાવ પર સંયુક્ત રાષ્ટ્ર મહાસભાએ વર્ષ ૨૦૨૩ને ‘ઈન્ટરનેશનલ મિલેટ યર’ તરીકે જાહેર કર્યું છે. ફાલુએ ગીતના રિલીઝ પહેલા પીટીઆઈને કહ્યું, “વડાપ્રધાન મોદીએ આ ગીત મારા અને મારા પતિ ગૌરવ શાહ સાથે મળીને લખ્યું છે.” તેમણે કહ્યું કે અંગ્રેજી અને હિન્દીમાં લખાયેલું આ ગીત દરેકને માટે રિલીઝ કરાવવામાં આવશે અને બાજરીના ફાયદાઓ પર પ્રકાશ પાડશે. ફાલુની વેબસાઈટ પર એક નિવેદન કહેવામાં આવ્યું છે કે ફાલુ અને ગૌરવ શાહ ૧૬ જૂન, ૨૦૨૩ ના રોજ ‘આંતરરાષ્ટ્રીય મોટા અનાજ વર્ષ’ ઉજવવા માટે ‘એબ્યુન્ડન્સ ઓફ મિલેટ્‌સ’ ગીત રિલીઝ કરશે, જેમાં માનનીય વડા પ્રધાન નરેન્દ્ર મોદી પણ હશે. વિશ્વમાં ભૂખ ઓછી કરવા માટે આ અત્યંત પૌષ્ટિક અનાજના મહત્વ વિશે જાગૃતિ ફેલાવવા માટે ‘એબ્યુન્ડન્સ ઓફ મિલેટ્‌સ’ ગીતની રચના કરવામાં આવી છે.”

ફાલૂને ૨૦૨૨માં ‘અ કલરફુલ વર્લ્ડ’ માટે સર્વશ્રેષ્ઠ ચિલ્ડ્રન આલ્બમ કેટેગરીમાં ગ્રેમી એવોર્ડથી સમ્માનિત કરવામાં આવી હતી. ફાલુએ કહ્યું કે ગત વર્ષે ગ્રેમી જીત્યા બાદ નવી દિલ્હીમાં વડાપ્રધાન મોદી સાથેની મુલાકાત દરમિયાન બાજરી વિશે ગીત કંપોઝ કરવાનો વિચાર તેમને આવ્યો હતો. તેમણે કહ્યું કે તે મોદી સાથે પરિવર્તન લાવવા અને માનવતાના ઉત્થાન માટે સંગીતની શક્તિ વિશે ચર્ચા કરી હતી, જે દરમિયાન વડા પ્રધાને તેમને ભૂખ સમાપ્ત કરવાના સંદેશ સાથે ગીત લખવાનું સૂચન કર્યું હતું. ફાલુએ કહ્યું કે સંગીત સીમાઓથી બંધાયેલું નથી તેથી વડાપ્રધાન મોદીએ બરછટ અનાજ પર ગીત લખવાનું સૂચન કર્યું. ફાલુએ કહ્યું કે મોદીએ તેમને કહ્યું કે કે મોટું અનાજ ખૂબ જ પૌષ્ટિક ખોરાક છે અને સ્વાસ્થ્ય માટે ખૂબ જ ફાયદાકારક છે. ફાલુએ કહ્યું કે તેણીએ ખૂબ જ શાંતિથી વડા પ્રધાનને પૂછ્યું કે શું તેઓ તેમની સાથે ગીત લખશે, જેના માટે તેઓ સંમત થયા. તેમણે માહિતી આપી હતી કે અંગ્રેજી અને હિન્દીમાં રિલીઝ થનાર આ ગીતને અન્ય પ્રાદેશિક ભાષાઓમાં પણ અનુવાદિત કરવામાં આવશે જેથી વ્યાપક પહોંચ સુનિશ્ચિત કરવામાં આવે. ફાલુએ કહ્યું કે તે શરૂઆતમાં વડા પ્રધાન સાથે ગીત લખવાને લઈને નર્વસ હતી, પરંતુ આખી પ્રક્રિયા સરળ રીતે પૂર્ણ થઈ. તેમણે કહ્યું, “તેમના (વડાપ્રધાન મોદી) માટે લખવું અલગ વાત છે અને તેમની સાથે લખવું અલગ વાત છે. ગીતો વચ્ચે તમે તેમના દ્વારા લખાયેલ અને તેમના પોતાના અવાજમાં વિતરિત ભાષણ સાંભળશો.” ફાલુએ કહ્યું કે મોદી સાથે બરછટ અનાજ પર ગીત લખવું તેમના માટે એક મહાન “સન્માન” છે. તેણે કહ્યું કે આ એક કલાકાર માટે જીવનમાં એક વાર મળવાની તક છે.