પીરિયોડિક ટેબલ હટાવ્યું નથી, ટૂંક સમયમાં આવશે નવા પુસ્તકો : ધર્મેન્દ્ર પ્રધાન

દ્ગઝ્રઈઇ્‌ દ્વારા પુસ્તકોમાં તાજેતરમાં કરાયેલા ફેરફારો અંગે કેન્દ્રીય શિક્ષણ મંત્રી ધર્મેન્દ્ર પ્રધાને કહ્યું કે, પુસ્તકોમાં કોઈ ફેરફાર કરવામાં આવ્યો નથી. તેમણે કહ્યું કે આ દિવસોમાં એક વિવાદ ચાલી રહ્યો છે કે એનસીઈઆરટી દ્વારા વિજ્ઞાનના પુસ્તકો અને પીરિયડિક ટેબલમાંથી ડાર્વિનના ઉત્ક્રાંતિના સિદ્ધાંતને હટાવી દેવામાં આવ્યો છે, પરંતુ હું અહીં જાહેરમાં કહેવા માંગુ છું કે આવું કંઈ થયું નથી. કેન્દ્રીય શિક્ષણ મંત્રીએ મંગળવારે મહારાષ્ટ્રના પૂણે શહેરમાં ભંડારકર ઓરિએન્ટલ રિસર્ચ ઇન્સ્ટિટ્યૂટમાં આયોજિત એક કાર્યક્રમ દરમિયાન આ વાત કહી. તેમણે કહ્યું કે આ સંદર્ભમાં નેશનલ કાઉન્સિલ ઓફ એજ્યુકેશનલ રિસર્ચ એન્ડ ટ્રેનિંગ (દ્ગઝ્રઈઇ્‌) પાસેથી વિગતો માંગવામાં આવી હતી. તેમના જણાવ્યા મુજબ નિષ્ણાતોએ સલાહ આપી હતી કે કોવિડ-૧૯ દરમિયાન કેટલાક પુનરાવર્તિત ભાગોને ઘટાડી શકાય છે અને પછીથી પાછા લાવી શકાય છે. તેથી ધોરણ ૮ અને ૯ ની સામગ્રી યથાવત છે. ગયા વર્ષે ૧૦માના પુસ્તકમાંથી વિકાસના સિદ્ધાંતને લગતો કેટલોક ભાગ કાઢી નાખવામાં આવ્યો હતો. ૧૧ અને ૧૨માં કોઈ ફેરફાર કરવામાં આવ્યો નથી. ધોરણ ૯ માં પીરિયોડિક ટેબલ શીખવવામાં આવતું હતું. હવે તેને ધોરણ ૧૧ અને ૧૨માં ભણાવવામાં આવશે. દ્ગઝ્રઈઇ્‌ અનુસાર એક કે બે ઉદાહરણો (ઉત્ક્રાંતિના સિદ્ધાંતને લગતા) બાદ કરવામાં આવ્યા હતા, પરંતુ હું તમને ખાતરી આપવા માંગુ છું કે રાષ્ટ્રીય શિક્ષણ નીતિ અમલમાં આવી રહી છે અને તે નીતિ અનુસાર નવા પાઠ્‌યપુસ્તકો તૈયાર કરવામાં આવી રહ્યા છે. તમને જણાવી દઈએ કે તાજેતરમાં દ્ગઝ્રઈઇ્‌એ ૧૦માના પુસ્તકોમાં ઘણા ફેરફારો કર્યા છે, જે અંતર્ગત ૧૦મા અને ૯માના પુસ્તકોના ઘણા પ્રકરણોમાં ફેરફાર કરવામાં આવ્યા છે. આ વર્ગોના પુસ્તકોમાં નવા અભ્યાસક્રમો પણ ઉમેરવામાં આવ્યા છે. ૧૦મીથી પીરિયોડિક ટેબલ પ્રકરણ દૂર કરવામાં આવ્યું છે. હવે તેમાં ૧૧ અને ૧૨માં આને ઉમેરવામાં આવ્યો છે.