ઉત્તર પ્રદેશના સંભલમાં લવ જેહાદનો એક કિસ્સો પ્રકાશમાં આવ્યોપરિણીત હિન્દુ મહિલાને વિધર્મી યુવકે ફસાવી, યુવક પર મહિલાનું બ્રેઈનવોશ કરી ધર્મ પરિવર્તન કરવાનો પણ આરોપ

ઉત્તર પ્રદેશના સંભલમાં લવ જેહાદનો એક કિસ્સો પ્રકાશમાં આવ્યો છે, જ્યાં એક પરિણીત હિન્દુ મહિલાને વિધર્મી યુવક દ્વારા ફસાવીને લઈ ગયો હતો. મહિલાનું બ્રેઈનવોશ કરીને તેનો ધર્મ પરિવર્તન કરવાનો પણ આરોપ લાગ્યો છે. હાલમાં, પોલીસે મહિલાને શોધી કાઢી છે અને સંબંધીઓના જણાવ્યા અનુસાર, વિધર્મી યુવક વિરુદ્ધ ગુનો નોંધ્યો છે. પોલીસે આરોપીની ધરપકડ કરી છે અને મહિલાનું નિવેદન નોંધ્યા બાદ તેને ઘરે પરત મોકલી દીધી છે. મળતી માહિતી મુજબ આ આખો મામલો ચંદોસી કોતવાલી વિસ્તારનો છે. આરોપીનું નામ ગુલ મોહમ્મદ જણાવવામાં આવી રહ્યું છે. હકીકતમાં, સંભલ જિલ્લાના ચંદૌસી પોલીસ સ્ટેશન વિસ્તારમાં રહેતી એક પરિણીત મહિલા ૬ દિવસ પહેલા તેના ૪ વર્ષના બાળકને છોડીને અચાનક ગુમ થઈ ગઈ હતી.

જે બાદ ૧૯ ઓગસ્ટની સાંજે પતિ પોલીસ સ્ટેશન પહોંચ્યો અને પોલીસને આ અંગે જાણ કરી. ફરિયાદ મળ્યા બાદ પોલીસે તપાસ શરૂ કરી હતી. પોલીસને ખબર પડી કે તે મુરાદાબાદ પોલીસ સ્ટેશન હેઠળના નાધેર વિસ્તારના લાલપુર હમીરપુર ગામમાં ગુલ મોહમ્મદ નામના વ્યક્તિના ઘરે રહે છે. પોલીસ મહિલાને સાથે લઈને તેનું નિવેદન નોંધવા માટે પોલીસ સ્ટેશન લઈ આવી હતી. જ્યારે સંબંધીઓને ખબર પડી તો તેઓ પોલીસ સ્ટેશન પહોંચ્યા અને મહિલાને ઘરે મોકલવાની માંગ કરી. તેના પર પોલીસે કહ્યું કે નિવેદન બાદ જ તેઓ તેને ઘરે જવા દેશે. જ્યારે હિન્દુ સંગઠનોને આ વાતની જાણ થઈ તો તેઓ પોલીસ સ્ટેશન પહોંચ્યા અને હંગામો મચાવ્યો હતો.

તેમણે યુવક પર લવ જેહાદનો આરોપ લગાવ્યો અને મહિલાના બ્રેઈનવોશિંગનો પણ આરોપ લગાવ્યો. જાેકે, બાદમાં પોલીસે મહિલાનું નિવેદન નોંધી તેને તેના પરિવારજનોને સોંપી હતી. સંબંધીઓએ વિધર્મી યુવક પર ગંભીર આક્ષેપો કર્યા છે. સંબંધીઓએ પોલીસને આપેલી ફરિયાદમાં જણાવ્યું છે કે યુવક એક અઠવાડિયા પહેલા પરિણીત યુવતીને પોતાની સાથે લઈ ગયો હતો. યુવકે મહિલાનું બ્રેઈનવોશ કરીને તેનું ધર્મ પરિવર્તન કરાવ્યું, ત્યારબાદ તેણે તેની સાથે લગ્ન પણ કર્યા. જણાવવામાં આવી રહ્યું છે કે ગુલ મોહમ્મદ મેરઠના લાલપુર પોલીસ સ્ટેશન વિસ્તારનો રહેવાસી છે. હાલમાં તે સંભાલમાં ભાડે રહેતો હતો.