અમેરિકન સિંગર RKelly ચાઈલ્ડ પોર્નોગ્રાફીના અનેક કેસોમાં દોષિત ઠેર્યો

અમેરિકન સિંગર રોબર્ટ સિલ્વેસ્ટર કેલીને ચાઈલ્ડ પોર્નોગ્રાફીના આરોપમાં દોષી ઠેરવવામાં આવ્યો છે. બુધવારે, આર કેલીને તેની ૧૪ વર્ષની પૌત્રીના દુરવ્યવહારની વીડિયો બનાવવા માટે દોષિત ઠેરવવામાં આવ્યો હતો. પીડિતા હાલ ૩૭ વર્ષની છે. શિકાગોમાં એક મહિના સુધી ચાલેલા ટ્રાયલ બાદ ચુકાદો જાહેર કરવામાં આવ્યો હતો. ન્યૂ યોર્ક પોસ્ટ અનુસાર, કેલી પર ત્રણ બાળ પોર્નોગ્રાફી ગુનાઓ સહિત ૧૩માંથી છ કેસનો આરોપ મૂકવામાં આવ્યો હતો. લગભગ ૧૧ કલાક સુધી વિચાર-વિમર્શ કર્યા પછી જ્યુરીએ કેલીને દોષિત ગણાવ્યો હતો.

તમને જણાવી દઈએ કે શિકાગોમાં આવા ગુના માટે ઓછામાં ઓછી ૫થી ૧૦ વર્ષની જેલની સજા છે. નોંધનીય છે કે આ વર્ષની શરૂઆતમાં તે બ્રુકલિનમાં એક અલગ કેસમાં સેક્સ ટ્રાફિકિંગ અને રેકેટિંગ માટે દોષી સાબિત થયો હતો. જેના માટે તેને ૩૦ વર્ષની જેલની સજા થઈ ચૂકી છે. તમને જણાવી દઈએ કે કેલી પર ચાઈલ્ડ પોર્નોગ્રાફીનો આરોપ હતો. તેના પર ૨૦૦૮માં તેમના રાજ્યના ટ્રાયલ સાથે ચેડા કરવાનો પણ આરોપ હતો. કેલી પર સગીર વયની છોકરીઓ સાથે સેક્સ માણવા સાથે વીડિયો બનાવવાનો પણ આરોપ હતો.

ન્યૂયોર્ક પોસ્ટ અનુસાર, કેલી તેના સ્ટેટ ટ્રાયલ દરમિયાન હેરાફેરી અને ષડયંત્રના આરોપમાં દોષિત ઠેરવવામાં આવ્યો નથી. આ સિવાય જ્યુરીએ તેને ચાઈલ્ડ પોર્નોગ્રાફી કરવાના ષડયંત્રના વધુ બે આરોપોમાંથી નિર્દોષ જાહેર કર્યો છે. હાલમાં શિકાગોના લોયોલા બીચ પર એક વ્યક્તિએ એવી હરકત કરી જેને કારણે લોયોલા બીચ ચર્ચામાં છે. આ બીચ પર ન્યૂડ બીચનું સાઈન લગાડવામાં આવ્યુ હતુ. જેને જાેઈને શિકાગોની અધિકારીઓ અને સ્થાનિક લોકો દંગ રહી ગયા હતા. એક અસામાજીક તત્વએ શિકાગોના એક લોકપ્રિય બીચ પર વિચિત્ર સાઈન બોર્ડ મૂકયુ હતુ. જેમાં લોકોને કહેવામાં આવ્યું કે આ લોયોલા બીચ એ હવે ન્યૂડ બીચ છે. સિટી એલ્ડરમેન મારિયા ઇ. હેડને સોશિયલ મીડિયા પર આ સાઈન બોર્ડની એક તસવીર પોસ્ટ કરી અને જણાવ્યું કે , આ વાત ખોટી છે. આ બોર્ડને જલ્દી જ દૂર કરવામાં આવશે.