ભારતીયોને લઈ જતી ફ્લાઈટને માનવ તસ્કરીની શંકાના આધારે ફ્રાંસમાં અટકાવી

સ્થાનિક મીડિયાએ ફ્રેન્ચ અધિકારીઓ દ્વારા શનિવારે અહેવાલ આપ્યો હતો કે વિમાન ૩૦૩ મુસાફરોને લઈને સંયુક્ત આરબ અમીરાત (યુએઈ) ના દુબઈથી નિકારાગુઆ જઈ રહ્યું હતું. ફ્રેન્ચ સત્તાવાળાઓએ ગુરુવારે તેને માનવ તસ્કરીની શંકાના આધારે માર્નેના ચાલોન્સ-વેટ્રી એરપોર્ટ પર અટકાવ્યું હતું. ફ્રાન્સમાં ભારતીય દૂતાવાસે એક પોસ્ટમાં જણાવ્યું કે લોકોની અટકાયત કરવામાં આવી છે. દૂતાવાસની ટીમ પહોંચી ગઈ છે અને ભારતીય નાગરિકો માટે કોન્સ્યુલર એક્સેસ મેળવી છે. અમે પરિસ્થિતિ પર નજર રાખી રહ્યા છીએ અને મુસાફરોની સુરક્ષા પણ સુનિશ્ચિત કરી રહ્યા છીએ. ભારતીય દૂતાવાસે શનિવારે કહ્યું હતું કે તે વાત્રી એરપોર્ટ પર હાલમાં ભારતીયોના કલ્યાણ અને પરિસ્થિતિના વહેલા ઉકેલ માટે ફ્રેન્ચ સરકાર સાથે કામ કરી રહી છે. મિશન સોશિયલ મીડિયા પ્લેટફોર્મ ઠ પર પોસ્ટ કરીને કહ્યું કે દૂતાવાસના રાજદ્વારીઓ એરપોર્ટ પર હાજર છે. ફ્રેન્ચ અધિકારીઓએ જણાવ્યું હતું કે મોટાભાગના ઓછા ભાડાની ફ્લાઇટ્‌સ પેરિસથી ૧૫૦ કિલોમીટર પૂર્વમાં ચાલોન્સ-વેટ્રી એરપોર્ટથી ચાલે છે.

એમ્બેસીએ કહ્યું કે ફ્રેન્ચ સત્તાવાળાઓનો આભાર કે જેમણે લાંબી રજાના સપ્તાહના અંતે આ સમસ્યાને ઉકેલવા માટે કામ કર્યું ‘લે મોન્ડે’ અખબારના સમાચાર અનુસાર, માર્ને વિભાગના નાગરિક સુરક્ષા એકમે શનિવારે જણાવ્યું હતું કે વિમાનમાં ૧૩ સગીર સવાર હતા જેમની સાથે કોઈ વાલી પણ નહોતા. બોર્ડમાં કેટલાક અન્ય સગીરો પણ છે જેમની ઉંમર ૨૧ મહિનાથી ૧૭ વર્ષની વચ્ચે છે. રાષ્ટ્ર વિરોધી-સંગઠિત અપરાધના મામલાઓ સાથે કામ કરતી એકમ જુનાલ્કોએ તપાસ હાથ ધરી છે. પેરિસના ફરિયાદી કાર્યાલયે એક નિવેદનમાં જણાવ્યું હતું કે વિશેષ તપાસકર્તાઓ વિમાનમાં સવાર તમામ મુસાફરોની પૂછપરછ કરી રહ્યા હતા અને વધુ તપાસ માટે બે લોકોની અટકાયત કરવામાં આવી હતી. માર્ને પ્રીફેક્ચરના એક અધિકારીએ જણાવ્યું કે રોમાનિયન કંપની ‘લેજેન્ડ એરલાઈન્સ’નું છ૩૪૦ પ્લેન ગુરુવારે લેન્ડ થયા બાદ વત્રી એરપોર્ટ પર ઊભું રહ્યું હતું. અખબારના અહેવાલ મુજબ, અધિકારીએ જણાવ્યું હતું કે વિમાનમાં ઇંધણ ભરવાનું હતું અને તેમાં ૩૦૩ લોકો સવાર હતા, જેમાંથી મોટાભાગના ભારતીય મૂળના છે,

સંભવતઃ યુએઈમાં કામ કરી રહ્યા લોકો તેમા સવાર હતા. અહેવાલો અનુસાર, ભારતીય પ્રવાસીઓએ મધ્ય અમેરિકા પહોંચવા માટે આ પ્રવાસની યોજના બનાવી હશે, જ્યાંથી તેઓ ગેરકાયદેસર રીતે યુએસ અથવા કેનેડામાં પ્રવેશવાનો પ્રયાસ કરી શકે છે. ફ્રાન્સ પહોંચ્યા પછી, મુસાફરોને પહેલા વિમાનમાં રાખવામાં આવ્યા હતા, પરંતુ પછી તેમને બહાર કાઢીને ટર્મિનલ બિલ્ડિંગમાં મોકલવામાં આવ્યા હતા. સમગ્ર એરપોર્ટને પોલીસે ઘેરી લીધું છે.. સમાચાર અનુસાર, ફરિયાદી કાર્યાલયે કહ્યું કે તેને માહિતી મળી છે કે વિમાનમાં સવાર લોકો માનવ તસ્કરીનો શિકાર બની શકે છે. મુસાફરોને આખરે એરપોર્ટના મુખ્ય હોલમાં ખસેડવામાં આવ્યા હતા, જ્યાં ગુરુવારે તેમના રાત્રિ રોકાણ માટે પથારીની વ્યવસ્થા કરવામાં આવી હતી. ફ્રાન્સના સ્પેશિયલ ઓર્ગેનાઈઝ્‌ડ ક્રાઈમ ઈન્વેસ્ટિગેશન યુનિટ, બોર્ડર પોલીસ અને એવિએશન સર્વિસ ફોર્સના તપાસકર્તાઓ સમગ્ર મામલાની તપાસ કરી રહ્યા છે. ‘લેજેન્ડ એરલાઈન્સ’એ હજુ સુધી આ ઘટના પર કોઈ પ્રતિક્રિયા આપી નથી. કંપનીના વકીલ લિલિયાના બકાયોકોએ તસ્કરીમાં કોઈપણ સંડોવણીનો ઇનકાર કર્યો હતો. લિલિયાનાએ ફ્રેન્ચ ન્યૂઝ ચેનલ મ્હ્લસ્‌ફ ને જણાવ્યું હતું કે કંપની ફ્રેન્ચ સત્તાવાળાઓને સહકાર આપવા તૈયાર છે અને અપેક્ષા રાખે છે કે આગામી થોડા દિવસોમાં પ્લેન તેના ગંતવ્ય માટે રવાના થશે. તેમણે કહ્યું કે લિજેન્ડ એરલાઈન્સે કંપનીના ગ્રાહકને પ્લેન આપ્યું હતું.

વકીલના જણાવ્યા મુજબ, એરલાઈને ગ્રાહક દ્વારા રજૂ કરાયેલા દસ્તાવેજાેની ચકાસણી કરી હતી, જે દર્શાવે છે કે આ લોકોને નિકારાગુઆમાં મુસાફરી કરવાનો અધિકાર છે અને તેમની પાસે માન્ય પાસપોર્ટ છે. લિલિયાનાએ એસોસિએટેડ પ્રેસને જણાવ્યું હતું કે ‘ભાગીદાર’ કંપનીએ પ્લેનને ભાડા પર લીધુ હતું અને તે દરેક મુસાફરના ઓળખ દસ્તાવેજાે ચકાસવા માટે જવાબદાર હતી. તે ફ્લાઇટના ૪૮ કલાક પહેલા મુસાફરોના પાસપોર્ટની માહિતી એરલાઇનને આપે છે. લિલિયાનાએ કહ્યું કે ઉડ્ડયન કંપની નાખુશ છે. જેના કારણે તેમને માત્ર આર્થિક નુકસાન જ નથી થઈ રહ્યું પરંતુ તેમની ઈમેજ પણ કલંકિત થઈ રહી છે. લીજેંડ પહેલાથી જ ફ્રેન્ચ સત્તાવાળાઓ સાથે સહયોગ કરી રહી છે. ‘ફ્લાઇટરાડર’ વેબસાઇટ અનુસાર, લિજેન્ડ એર પાસે ચાર એરક્રાફ્ટનો નાનો કાફલો છે. ફ્રાન્સની સરહદ પોલીસ વિદેશી નાગરિકને દેશની સરહદ પર ઉતર્યા પછી ચાર દિવસ સુધી તેના ઇચ્છિત ગંતવ્ય સ્થાને પહોંચતા અટકાવી શકે છે. ફ્રાન્સના કાયદા અનુસાર, ન્યાયાધીશની પરવાનગીથી આ સમયગાળો આઠ દિવસ સુધી વધારી શકાય છે અને અનિવાર્ય સંજાેગોમાં આ સમયગાળો વધુ આઠ દિવસ સુધી લંબાવી શકાય છે, પરંતુ અટકાયતના દિવસોની કુલ સંખ્યા ૨૬થી વધુ ન હોવી જાેઈએ. ફ્રાન્સમાં માનવ તસ્કરી માટે ૨૦ વર્ષ સુધીની સજા છે.