મધ્યપ્રદેશના હરદામાં ફટાકડાની ફેક્ટરીમાં અચાનક બ્લાસ્ટ, ૫૦ લોકોના મોત

હરદામાં ફેક્ટરીમાં થયેલા વિસ્ફોટોના કારણે તે વિસ્તારમાં અરાજકતાનો માહોલ સર્જાયો મધ્યપ્રદેશના હરદા જિલ્લામાં એક ગેરકાયદેસર ફટાકડાની ફેક્ટરીમાં અચાનક વિસ્ફોટ થયો અને તે પછી જાેરદાર ધડાકા સાથે જાેરદાર આગ ફાટી નીકળી. આ અકસ્માતમાં ઓછામાં ઓછા ૫૦ લોકોના મોતની આશંકા છે. જણાવવામાં આવી રહ્યું છે કે ફટાકડાની ફેક્ટરીમાં ૫૦૦ થી ૭૦૦ લોકો કામ કરતા હતા. મુખ્યમંત્રી મોહન યાદવે પણ આ ઘટનાની માહિતી લીધી છે. મધ્યપ્રદેશના હરદા જિલ્લામાંથી ગેરકાયદે ફટાકડાની ફેક્ટરીમાં અચાનક વિસ્ફોટના સમાચાર આવી રહ્યા છે.

શહેરના મગરધા રોડ પર આવેલી એક ગેરકાયદેસર ફટાકડાની ફેક્ટરીમાં મંગળવારે સવારે વિસ્ફોટ થતાં ભીષણ આગ ફાટી નીકળી હતી. ફેક્ટરીમાં ફટાકડા માટે રાખવામાં આવેલા ગનપાઉડરમાં આગ લાગતાની સાથે જ જાેરદાર વિસ્ફોટોથી લગભગ ૨૦ કિલોમીટર સુધી લોકોના ઘરો હચમચી ઉઠ્‌યા હતા. જાેરદાર વિસ્ફોટોના કારણે વિસ્તારમાં અરાજકતાનો માહોલ સર્જાયો હતો અને લોકો અહીં-તહીં દોડતા જાેવા મળ્યા હતા. ફેક્ટરીમાંથી નીકળતી જ્વાળાઓ અને ધુમાડા દૂરથી જાેઈ શકાય છે. માહિતી મળ્યા બાદ ફાયર બ્રિગેડની ગાડીઓ ઘટનાસ્થળે મોકલવામાં આવી છે.

આગ લાગવાનું કારણ હજુ સુધી જાણી શકાયું નથી. તે જ સમયે, આ ઘટના પછી, મધ્યપ્રદેશના મુખ્યમંત્રી મોહન યાદવે હરદામાં આગની ઘટના અંગે વરિષ્ઠ અધિકારીઓ પાસેથી માહિતી લીધી છે. મુખ્યમંત્રીએ ઘટનાની સ્થિતિને સમજવા માટે મહત્વની બેઠક બોલાવી છે. આ ઘટના બાદ ફટાકડાની ફેક્ટરી સંપૂર્ણપણે ધરાશાયી થઈ ગઈ હતી અને આસપાસના મકાનોમાં આજની તીવ્ર ગરમીનો અનુભવ થયો હતો. આગને પગલે આસપાસના લોકો દોડી આવ્યા હતા. સ્થાનિક લોકોના જણાવ્યા અનુસાર વિસ્ફોટ સમયે ફટાકડાની ફેક્ટરીમાં લગભગ ૫૦૦ લોકો હાજર હતા. હરદા ફટાકડાની ફેક્ટરીમાં લાગેલી આગને લઈને નર્મદાપુરમથી ફાયર બ્રિગેડ અને એમ્બ્યુલન્સ હરદા મોકલવામાં આવી રહી છે. નર્મદાપુરમથી પણ સ્ટાફ હરદા જવા રવાના થયો છે. સત્તાવાર માહિતી અનુસાર, નર્મદાપુરમથી ૬ ફાયર બ્રિગેડ અને ૪ એમ્બ્યુલન્સ ડોક્ટરો અને સ્ટાફ સાથે હરદા માટે રવાના થઈ છે.