PM મુલાકાત પછી લક્ષદ્વીપના પર્યટન પર મોટી અસર પડી: પ્રવાસન અધિકારી ઈમ્થિયાસ

આ વર્ષે જાન્યુઆરીમાં વડાપ્રધાન નરેન્દ્ર મોદીએ લક્ષદ્વીપની મુલાકાત લીધી હતી. જે પછી લક્ષદ્વીપની લોકપ્રિયતા ઘણી વધી ગઈ. લક્ષદ્વીપ પર્યટન અધિકારી ઈમ્થિયાસ મોહમ્મદ ટીબીએ જણાવ્યું હતું કે ટાપુની મુલાકાત કેવી રીતે લેવી તે અંગે પૂછપરછમાં વધારો થયો છે. જ્યારે પીએમ મોદીની મુલાકાતની અસર વિશે પૂછવામાં આવ્યું ત્યારે ઈમ્થિયાસે કહ્યું કે પીએમની મુલાકાત પછી લક્ષદ્વીપના પ્રવાસન પર મોટી અસર થઈ છે. તેમણે વધુમાં જણાવ્યું હતું કે લક્ષદ્વીપ આવવા માટે માત્ર રાષ્ટ્રીય જ નહીં પરંતુ આંતરરાષ્ટ્રીય પ્રવાસનમાંથી પણ પૂછપરછ કરવામાં આવી રહી છે.

પ્રવાસન વિભાગની ભાવિ પહેલ વિશે વાત કરતાં તેમણે કહ્યું કે લક્ષદ્વીપ વધુ ક્રુઝ શિપ કંપનીઓને પ્રોત્સાહન આપવા માંગે છે. તેમણે એમ પણ કહ્યું કે તેમને આશા છે કે જ્યારે એર કનેક્ટિવિટી સુધરશે, ત્યારે તે પ્રવાસીઓના પ્રવાહને વેગ આપશે. મુંબઈના પ્રવાસી અમન સિંહે કહ્યું કે, અમે લાંબા સમયથી લક્ષદ્વીપ આવવા ઈચ્છતા હતા પરંતુ ટાપુ સાથે જાેડાયેલી ઘણી માન્યતાઓ હતી પરંતુ પીએમ મોદીની મુલાકાતની એવી અસર થઈ કે લક્ષદ્વીપ આવવું શક્ય બન્યું. દિલ્હીના રહેવાસી સુમિત આનંદ નામના અન્ય પ્રવાસીએ કહ્યું કે તેઓ હંમેશા લક્ષદ્વીપ ટાપુની મુલાકાત લેવા માંગતા હતા, પરંતુ પીએમ મોદીની તસવીરો અને વીડિયો જાેયા બાદ જ તેમણે દ્વીપસમૂહને પોતાનું આગલું સ્થળ બનાવ્યું.

અગાઉ ૪ જાન્યુઆરીએ વિદેશ મંત્રી એસ જયશંકરે કહ્યું હતું કે વડાપ્રધાન નરેન્દ્ર મોદીની લક્ષદ્વીપની મુલાકાતે સમગ્ર વિશ્વનું ધ્યાન આ દ્વીપસમૂહ અને તેની વિશાળ પ્રવાસન ક્ષમતા તરફ ખેંચ્યું છે. વિદેશ મંત્રાલયે કહ્યું કે, લક્ષદ્વીપની મુલાકાત લઈને વડાપ્રધાન નરેન્દ્ર મોદીએ પર્યટનની અપાર સંભાવનાઓ પર ધ્યાન કેન્દ્રિત કર્યું છે. દેશમાં લોકસભા ચૂંટણીની જાહેરાત થઈ ગઈ છે, આ દરમિયાન લક્ષદ્વીપ મતવિસ્તારમાં ૧૯ એપ્રિલે એક જ તબક્કામાં મતદાન થશે. લોકસભાની ૫૪૩ બેઠકો માટે સામાન્ય ચૂંટણી સાત તબક્કામાં યોજાશે, પ્રથમ તબક્કાનું મતદાન ૧૯ એપ્રિલે થશે, મતગણતરી ૪ જૂને થવાની છે.