મધ્ય પ્રદેશમાં જોવા મળ્યો ચોંકાવનારો કિસ્સો જબલપુરમાં એક બદમાશ પહેલા મંદિરમાં પૂજા-અર્ચના કર્યા બાદ બે બોમ્બ ફેંક્યા અને બે રાઉન્ડ ફાયરિંગ કરીને ફરાર થઈ ગયો

મધ્યપ્રદેશના જબલપુર જિલ્લામાં એક ચોંકાવનારો કિસ્સો જોવા મળ્યો હતો જેમાં એક બદમાશ પહેલા મંદિરમાં પૂજા-અર્ચના કરી અને ત્યારબાદ એક પછી એક બે બોમ્બ ફેંક્યા અને બે રાઉન્ડ ફાયરિંગ કરીને ફરાર થઈ ગયો. જબલપુરના ગમાપુર વિસ્તારમાં બોમ્બ વિસ્ફોટની ઘટનાને કારણે ગભરાટનો માહોલ સર્જાયો છે. મળતી માહિતી મુજબ, વિસ્તારના ગુનેગાર આનંદે પહેલા ગુંડા ટેક્સ અને ખંડણી ન ભરવા માટે એક ઘરમાં બોમ્બ ફેંક્યો હતો અને પછી ફાયરિંગ કરીને ગભરાટનો માહોલ સજ્ર્યો હતો.

આ ઘટનાનો આરોપ વિસ્તારના ગુનેગાર આનંદ ઠાકુર પર લગાવવામાં આવ્યો છે, મળતી માહિતી મુજબ આ ઘટના ઘામાપુર પોલીસ સ્ટેશન વિસ્તારની ભારત સેવક સમાજ સ્કૂલ પાસેની છે. આનંદે માનસિંહ ઠાકુરના ઘરે બોમ્બ વિસ્ફોટ અને ફાયરિંગ કર્યું હતું અને આ ઘટના સીસીટીવીમાં કેદ થઈ ગઈ છે. પોલીસે સીસીટીવી પરથી આનંદ ઠાકુર નામના ગુનેગારની ઓળખ કરી લીધી છે. વીડિયોમાં આરોપી આનંદ ઠાકુર પણ બોમ્બ વિસ્ફોટ બાદ ફાયરિંગ કરતો જોવા મળી રહ્યો છે. પોલીસે પોલીસ સ્ટેશનમાં ફરિયાદ નોંધાવી છે. આરોપીઓ પર વિસ્તારના લોકો પાસેથી પૈસા પડાવવા અને નાના દુકાનદારોને હેરાન કરવાના અનેક આરોપો છે.