કેદારનાથ ધામમાં મોટી દુર્ઘટના ટાળીહેયડિંગ- હેલિકોપ્ટર હેલિપેડ સુધી આવતા પહેલા ટેક્નિકલ ખામી સર્જાઇ, પણ પાયલટ અને યાત્રીઓ સુરક્ષિત

કેદારનાથ ધામમાં એક મોટી દુર્ઘટના ટળી હતી. કેદ્રનાથ ધામમાં હેલીપેડ પાસે હેલિકોપ્ટરનું ઈમરજન્સી લેન્ડિંગ થયું હતું. આ ઘટના માં હેલિકોપ્ટર ગ્રાઉન્ડ પર લેન્ડિંગ કરતાં પહેલા ડગમગવા લાગ્યું, એક નાનું ગોળ ચક્કર પણ માર્યું પણ પાયલોટે તેની બુદ્ધિમત્તાથી તેને સુરક્ષિત રાખવામાં વ્યવસ્થાપિત કરી અને ૭ લોકો (પાયલોટ સહિત)ના જીવ બચાવ્યા. આ ઘટનાનો વીડિયો હવે સોશિયલ મીડિયા પર ઝડપથી વાયરલ થઈ રહ્યો છે. લોકો તેને બાબા કેદારની કૃપા કહી રહ્યા છે.
જિલ્લા આપત્તિ વ્યવસ્થાપન અધિકારી નંદન સિંહ રાજવારે જણાવ્યું હતું કે, સવારે લગભગ ૭ વાગ્યે ક્રેટન એવિએશન કંપનીના હેલિકોપ્ટરે શેરસીથી ૬ મુસાફરો સાથે કેદારનાથ માટે ઉડાન ભરી હતી. ટેક્નિકલ ખામીના કારણે હેલિકોપ્ટર સામાન્ય રીતે ઉતરી શક્યું ન હતું. હેલિકોપ્ટર હેલિપેડથી લગભગ ૧૦૦ મીટર પહેલા હવામાં ડગમગ થઈ હતું.

પાયલોટ કેપ્ટન કલ્પેશે પરિસ્થિતિને કાબુમાં લીધી હતી. હેલિકોપ્ટરને સુરક્ષિત રીતે લેન્ડ કરાવ્યું. તમામ ભક્તો સુરક્ષિત છે. રુદ્રપ્રયાગ જિલ્લા મેજિસ્ટ્રેટ સૌરભ ગહરવારે જણાવ્યું કે પાયલટની સમજદારીને કારણે મોટી દુર્ઘટના ટળી હતી. તેમણે કહ્યું કે ટેકનિકલ ખામીની જાણકારી મળ્યા બાદ પાયલોટે ધીરજ ગુમાવી ન હતી અને હેલિકોપ્ટરનું સુરક્ષિત રીતે ઈમરજન્સી લેન્ડિંગ કરાવ્યું હતું. ઘટના બાદ પોલીસ અને પ્રશાસનના અધિકારીઓ ઘટનાસ્થળે પહોંચ્યા અને મુસાફરોની મદદ કરી અને તેમને મંદિર સુધી લઈ ગયા. હેલિકોપ્ટરમાં તમિલનાડુના છ ભક્તો હતા