તેઓએ ‘૨૦૪૭ સુધીમાં ભારતને ઈસ્લામિક દેશમાં રૂપાંતરિત કરવાનું કાવતરું ઘડ્‌યુંબોમ્બે હાઈકોર્ટનો પ્રતિબંધિત પોપ્યુલર ફ્રન્ટ ઓફ ઈન્ડિયાના ત્રણ કથિત સભ્યોને જામીન આપવાનો ઇનકાર

બોમ્બે હાઈકોર્ટે એક મહત્વનો ફેંસલો લીધો હતો જેમાં પ્રતિબંધિત પોપ્યુલર ફ્રન્ટ ઓફ ઈન્ડિયા (પીએફઆઈ) ના ત્રણ કથિત સભ્યોને જામીન આપવાનો ઇનકાર કર્યો હતો, કારણ કે કોર્ટ નું માનવું છે કે તેઓએ ‘૨૦૪૭ સુધીમાં ભારતને ઈસ્લામિક દેશમાં રૂપાંતરિત કરવાનું કાવતરું ઘડ્‌યું હતું’ અને સરકારને હરાવવા માટે ગુનાહિત બળનો ઉપયોગ પણ કર્યો હતો. જસ્ટિસ અજય ગડકરી અને જસ્ટિસ શ્યામ ચાંડકની ડિવિઝન બેન્ચે મંગળવારે રઝી અહેમદ ખાન, ઉનૈસ ઓમર ખય્યામ પટેલ અને કયૂમ અબ્દુલ શેખની જામીન અરજી ફગાવી દીધી હતી.

આ બાબતે કોર્ટે કહ્યું હતું કે, તેમની સામે પ્રથમદર્શી પુરાવા છે. તેના પર પીએફઆઈનો સભ્ય હોવાનો અને ભારત સરકાર વિરુદ્ધ ષડયંત્રમાં સામેલ હોવાનો આરોપ છે. કેન્દ્રએ ૨૦૨૨માં પીએફઆઈ પર પ્રતિબંધ મૂક્યો હતો. કોર્ટે પોતાના આદેશમાં કહ્યું હતું કે આરોપીઓએ ગુનાહિત બળનો ઉપયોગ કરીને સરકારને ડરાવવાનું કાવતરું ઘડ્‌યું હતું. બેન્ચે કહ્યું, ‘ફર્સ્ટ ઈન્ફોર્મેશન રિપોર્ટમાં સ્પષ્ટપણે કહેવામાં આવ્યું છે કે તેઓએ ૨૦૪૭ સુધીમાં ભારતને ઈસ્લામિક દેશ બનાવવાનું કાવતરું ઘડ્‌યું હતું.’ બેન્ચે કહ્યું કે આરોપીઓ દેશ વિરુદ્ધ નફરત ફેલાવવામાં અને વિવિધ પ્રચાર માધ્યમો દ્વારા રાષ્ટ્રવિરોધી એજન્ડાને આગળ વધારવામાં સામેલ હતા. કોર્ટે તેમની જામીન અરજી ફગાવી દીધી હતી કે તેમની સામે પ્રથમદર્શી પુરાવા છે.

જો કે, ફરિયાદ પક્ષ અનુસાર, આરોપીનો હેતુ અન્ય ધર્મો અને ભારત સરકાર પ્રત્યે નફરત પેદા કરવાનો અને ભારતીયોમાં ભાગલા પાડવાનો હતો. આરોપ છે કે આરોપીઓએ મુસ્લિમ સમુદાયના લોકોના મનમાં નફરત પેદા કરવા અને તેમને ભારત સરકાર વિરુદ્ધ યુદ્ધ કરવા માટે ઉશ્કેરવા માટે વિવિધ બેઠકો યોજી હતી.

મહારાષ્ટ્ર એન્ટી-ટેરરિઝમ સ્ક્વોડ (એટીએસ) એ ભારતીય દંડ સંહિતાની કલમો હેઠળ ગુનાહિત કાવતરું, ધામિર્ક જૂથો વચ્ચે દુશ્મનાવટ અને કડક ગેરકાનૂની પ્રવૃત્તિઓ (નિવારણ) કાયદાની જોગવાઈઓ હેઠળ શંકાસ્પદ પીએફઆઈના સભ્યો સામે કેસ નોંધ્યો હતો.