બિહારના મુખ્યમંત્રી નીતિશ કુમારને હાથમાં ભારે દુખાવાના કારણે મેદાંતા હોસ્પિટલમાં દાખલ

બિહારના મુખ્યમંત્રી નીતીશ કુમારને હાથમાં તીવ્ર દુખાવાની ફરિયાદ બાદ પટનાની મેદાંતા હોસ્પિટલમાં દાખલ કરવામાં આવ્યા હતા. પટનાની મેદાંતા હોસ્પિટલમાં ઓર્થોપેડિક વિભાગની એક ખાસ ટીમ નીતિશ કુમારની દેખરેખ રાખી રહી છે. જો કે, નીતિશ કુમાર છેલ્લા ઘણા મહિનાઓથી ચૂંટણી પ્રચાર સહિત અનેક કામોમાં વ્યસ્ત હતા. આ સમયગાળા દરમિયાન, તેમણે ઘણી વખત દિલ્હીની મુલાકાત લીધી અને રાજ્યના વિવિધ જિલ્લાઓની સતત મુલાકાત પણ લીધી. સરકાર રચવા માટે નીતીશ કુમારને એનડીએની બેઠકમાં હાજરી આપવા માટે પણ દિલ્હી જવું પડ્‌યું હતું. નીતીશ કુમારની પાર્ટી જનતા દળ યુનાઈટેડ (જેડીયુ) એ છેલ્લી લોકસભા ચૂંટણીમાં સારું પ્રદર્શન કર્યું હતું.