વરિષ્ઠ આઈપીએસ અધિકારી નવલ બજાજની મહારાષ્ટ્ર એટીએસના વડા તરીકે નિયુક્તી કરવામાં આવી

વરિષ્ઠ ઇન્ડિયન પોલીસ સેવા (આઈપીએસ) અધિકારી નવલ બજાજને મહારાષ્ટ્ર પોલીસની આતંકવાદ વિરોધી ટુકડી (એટીએસ)ના વડા તરીકે નિયુક્ત કરવામાં આવ્યા હતા. નેશનલ ઇન્વેસ્ટિગેશન એજન્સીના ડાયરેક્ટર જનરલ તરીકે સદાનંદ દાતેની નિમણૂક બાદ છેલ્લા ત્રણ મહિનાથી મહારાષ્ટ્ર એટીએસ ના વડાનું પદ ખાલી હતું.

રાજ્યના ગૃહ વિભાગના આદેશમાં કહેવામાં આવ્યું છે કે બજાજને એટીએસના વધારાના ડિરેક્ટર જનરલ તરીકે નિયુક્ત કરવામાં આવ્યા છે. નવલ બજાજ મહારાષ્ટ્ર કેડરના ૧૯૯૫ બેચના આઈપીએસ અધિકારી, સેન્ટ્રલ ડેપ્યુટેશન પર સેન્ટ્રલ બ્યુરો ઑફ ઇન્વેસ્ટિગેશનના સંયુક્ત નિયામક હતા અને પેરેંટ કેડરમાં પાછા મોકલવામાં આવ્યા તે પહેલાં કોલસા કૌભાંડ સહિતના કેસોની તપાસમાં સામેલ હતા. આ પહેલા તેમણે મુંબઈમાં જોઈન્ટ પોલીસ કમિશનર (વહીવટ) તેમજ એડિશનલ કમિશનર ઑફ પોલીસ (સ્પેશિયલ બ્રાન્ચ) તરીકે સેવા આપી હતી.