પેરિસ ૨૦૨૪ ઓલિમ્પિકનો ઉદઘાટન સમારોહ સીન નદીના કિનારે યોજાયો
![](https://citywatchnews.com/wp-content/uploads/2024/07/11-15-1140x620.jpg)
પેરિસ ૨૦૨૪ ઓલિમ્પિકનો ઉદઘાટન સમારોહ સીન નદીના કિનારે યોજાયો. ઓલિમ્પિક ઈતિહાસમાં પ્રથમ વખત સ્ટેડિયમની અંદર ઉદ્ઘાટન સમારોહ યોજાશે નહીં. જે આ વખતે સૌથી ખાસ છે. ૧૮૯૬માં એથેન્સમાં ઓલિમ્પિકની શરૂઆત થઈ હતી, તેથી તેના ૧૨૮ વર્ષના ઈતિહાસમાં આ પ્રથમ વખત હશે કે આ ગેમ્સમાં ભાગ લેનારા દેશોની પરંપરાગત પરેડ પેરિસની મધ્યમાંથી વહેતી સીન નદીના કિનારે યોજાશે.
આ ઉદઘાટન સમારોહમાં, ૧૦,૦૦૦ થી વધુ ઓલિમ્પિક રમતવીરો લગભગ ૧૦૦ બોટ પર સીન નદીમાંથી પસાર થયા હતા, જ્યારે નોટ્રે ડેમ, પોન્ટ ડેસ આર્ટસ, પોન્ટ ન્યુફ સહિત પેરિસના કેટલાક પ્રતિષ્ઠિત સ્થળો પાસેથી પસાર થયા. ફ્લોટિંગ પરેડ ઓસ્ટરલિટ્ઝ બ્રિજથી જાડિર્ન ડેસ પ્લાન્ટેસની બાજુમાં શરૂ થશે અને ટ્રોકાડેરો પર સમાપ્ત થશે, જ્યાં ઓલિમ્પિક સમારોહનો અંતિમ શો હશે. આ કાર્યક્રમ ત્રણ કલાકથી વધુ સમય સુધી ચાલવાનો છે. ફ્રેન્ચ થિયેટર દિગ્દર્શક અને અભિનેતા થોમસ જોલી કલાત્મક દિગ્દર્શક તરીકે પેરિસ ૨૦૨૪ ઓલિમ્પિક અને પેરાલિમ્પિક સમારોહની દેખરેખ રાખી રહ્યા છે.
ભારતે પેરિસ ઓલિમ્પિકમાં ૧૧૭ ખેલાડીઓની ટીમ મોકલી છે. આ ૧૧૭ સભ્યોની ટીમમાં ત્રણ રમતોના અડધા ખેલાડીઓનો સમાવેશ થાય છે – એથ્લેટિક્સ (૨૯), શૂટિંગ (૨૧) અને હોકી (૧૯). આ ૬૯ ખેલાડીઓમાંથી ૪૦ ખેલાડીઓ પ્રથમ વખત ઓલિમ્પિકમાં ભાગ લઈ રહ્યા છે. બે વખતની ઓલિમ્પિક મેડલ વિજેતા બેડમિન્ટન સ્ટાર પીવી સિંધુ અને ટેબલ ટેનિસના દિગ્ગજ શરત કમલ, જેઓ પોતાની પાંચમી ઓલિમ્પિકમાં ભાગ લેવા માટે તૈયાર છે, તેઓ ઓલિમ્પિકમાં ભારતીય ટુકડીનું નેતૃત્વ કરશે. આ બંને ખેલાડીઓ પોતપોતાની રમતના પ્રથમ ખેલાડી હશે જેઓ ઓલિમ્પિક ઓપનિંગ સેરેમનીમાં ભારતના ધ્વજ ધારક બનશે.
પેરિસ ઓલિમ્પિકના ઉદઘાટન સમારોહમાં, ભારતીય પુરૂષ ખેલાડીઓ કુર્તા સેટ પહેરશે જ્યારે મહિલા ખેલાડીઓ ભારતના ત્રિરંગા ધ્વજને દર્શાવતી મેચિંગ સાડી પહેરશે. પરંપરાગત ઇકત અને બનારસી બ્રોકેડથી પ્રેરિત પ્રિન્ટ દર્શાવતા વસ્ત્રો તરુણ તાહિલિયાની દ્વારા ડિઝાઇન કરવામાં આવ્યા છે.
Recent Comments