૩૧ જુલાઈ બાદ પણ થઇ શકશે આવકવેરા રિટર્ન ફાઈલ!.. જાણો

આવકવેરા રિટર્ન ફાઈલ કરવાની અંતિમ તારીખમાં માત્ર ૨ દિવસ બાકી છે. નાણાકીય વર્ષ ૨૦૨૩-૨૪ માટે રિટર્ન ફાઈલ કરવાની છેલ્લી તારીખ ૩૧ જુલાઈ છે. જે લોકો આ તારીખ સુધીમાં ૈં્‌ઇ ફાઇલ નહીં કરે તેમને દંડનો સામનો કરવો પડશે. દંડની રકમ તમારી કમાણી પર આધારિત છે. જાે કે, ઘણા લોકોને ૩૧ જુલાઈ પછી પણ રિટર્ન ફાઈલ કરવાની છૂટ આપવામાં આવશે. આજે અમે તમને જણાવવા જઈ રહ્યા છીએ કે કયા લોકો અને બિઝનેસ ડેડલાઇનના ૩ મહિના પછી પણ ૈં્‌ઇ ફાઇલ કરી શકશે. આવકવેરા વિભાગના જણાવ્યા અનુસાર, જે લોકોની વાર્ષિક આવક ૫ લાખ રૂપિયાથી ઓછી છે તેઓ ૩૧ જુલાઈ પછી પણ ૧૦૦૦ રૂપિયાનો દંડ ભરીને ૈં્‌ઇ ફાઇલ કરી શકે છે.

જાે તમારી આવક વાર્ષિક ૫ લાખ રૂપિયાથી વધુ છે તો તમારે ૫૦૦૦ રૂપિયાનો દંડ ભરવો પડશે. જાે તમારી આવક અથવા વ્યવસાયને ઓડિટ કરવાની જરૂર હોય, તો તમને રિટર્ન ફાઇલ કરવા માટે ૩૧ ઓક્ટોબર, ૨૦૨૪ સુધીનો સમય આપવામાં આવે છે જેથી કરીને તમે કોઈપણ દંડ ચૂકવ્યા વિના સરળતાથી આ કાર્ય પૂર્ણ કરી શકો. આ માટે તમારે આ ઓડિટ ચાર્ટર્ડ એકાઉન્ટન્ટ દ્વારા કરાવવાનું રહેશે.

આવકવેરા વિભાગના જણાવ્યા અનુસાર, આંતરરાષ્ટ્રીય વ્યવહારોનો ઉપયોગ કરનારા વ્યવસાયોને ૈં્‌ઇ ફાઇલ કરવા માટે ૩૦ નવેમ્બર સુધીનો સમય આપવામાં આવશે. આવા વ્યવસાયમાં, ટ્રાન્સફર પ્રાઈસિંગ સાથે ઘણા પ્રકારના દસ્તાવેજાેની જરૂર પડે છે. આ ઉપરાંત ઘણા સ્થાનિક વેપારીઓને પણ ૈં્‌ઇ ભરવા માટે વધારાનો સમય આપવામાં આવે છે. જાે કે, આ માટે તમારે આવકવેરા કાયદાની ઘણી શરતો પૂરી કરવી પડશે. ઉપરાંત, ઘણા કિસ્સાઓમાં, લેટ ફાઇલિંગ ફી પણ તમારા પર લાદવામાં આવે છે.

જાે તમે ૩૧મી જુલાઈ સુધીમાં રિટર્ન ફાઈલ નહીં કરો તો તમને ૧૦૦૦થી ૫૦૦૦ રૂપિયા સુધીનો દંડ ફટકારવામાં આવશે. આ સિવાય તમારે બાકી ટેક્સ પર પેનલ્ટી પણ ચૂકવવી પડી શકે છે. ઘણી વખત કરદાતાઓ સમયમર્યાદા અને માર્ગદર્શિકા વિશે મૂંઝવણમાં મૂકે છે. તેમની સમસ્યાઓને ધ્યાનમાં રાખીને, આવકવેરા વિભાગે વિવિધ માધ્યમો દ્વારા ૨૪/૭ સહાય શરૂ કરી છે. તેની મદદથી કરદાતાઓ તેમના તમામ પ્રશ્નોના જવાબ મેળવી શકે છે.