બાંગ્લાદેશ-બંગાળ બોર્ડર પર સ્થિતિ ખરાબઆસામના સીએમએ ચિંતા વ્યક્ત કરી

બાંગ્લાદેશમાં એક મહિના કરતાં વધુ સમય સુધી ચાલેલા અનામત વિરોધી આંદોલને શેખ હસીનાને પદ છોડવાની ફરજ પાડી હતી. આવતીકાલે નોબેલ પુરસ્કાર વિજેતા મોહમ્મદ યુનુસના નેતૃત્વમાં વચગાળાની સરકાર શપથ લેશે, પરંતુ બાંગ્લાદેશમાં સ્થિતિ હજુ પણ તંગ છે. ભારત સરકાર સતત સ્થિતિ પર નજર રાખી રહી છે અને બાંગ્લાદેશ સરહદ પર સુરક્ષા વધારી દેવામાં આવી છે. બાંગ્લાદેશમાં ચાલી રહેલા હિંસક વિરોધને કારણે ઘણા લોકોને દેશ છોડવાની ફરજ પડી છે, હજારો બાંગ્લાદેશીઓએ આજે બપોરે બંગાળ સરહદ પર ઘૂસણખોરી કરવાનો પ્રયાસ કર્યો હતો.

આજે પશ્ચિમ બંગાળના જલપાઈગુડીમાં બાંગ્લાદેશ બોર્ડર પર મ્જીહ્લએ ઘૂસણખોરીનો પ્રયાસ કરી રહેલા લોકોને અટકાવ્યા હતા. મળતી માહિતી મુજબ, હજારો બાંગ્લાદેશીઓ પશ્ચિમ બંગાળ અને બાંગ્લાદેશની સરહદ પર આ આશા સાથે ઉભા છે કે ભારત તેમને પ્રવેશની મંજૂરી આપશે. આ લોકોનું કહેવું છે કે જાે તેઓ પાછા ફરશે તો હિંસામાં તેમની હત્યા થઈ શકે છે. પરંતુ આવી ઘૂસણખોરી ભારતની સુરક્ષા માટે મોટો ખતરો બની શકે છે, તેથી મ્જીહ્લના જવાનો સરહદ પર સઘન ચેકિંગ અને કડક દેખરેખ રાખી રહ્યા છે. આ ઉપરાંત બીએસએફના જવાનો પણ સરહદી ગામડાઓમાં લોકો સાથે બેઠકો કરીને તેમને સરહદ પારથી કોઈને આશ્રય ન આપવા માટે જાગૃત કરી રહ્યા છે.

બીએસએફના જવાનોએ પણ ચેક પોસ્ટ પર પેટ્રોલિંગ શરૂ કરી દીધું છે. તે જ સમયે, આસામના મુખ્ય પ્રધાન હિમંતા બિસ્વા સરમાએ કહ્યું છે કે બાંગ્લાદેશની સ્થિતિ ખૂબ જ ચિંતાજનક છે, તેમણે કહ્યું છે કે, “જાે બાંગ્લાદેશમાં આવી અશાંતિ ચાલુ રહેશે, તો કેટલાક લોકો ભારત આવવા માટે મજબૂર થશે, તેથી આપણે સુરક્ષિત કરવાની જરૂર છે. તેમણે કહ્યું છે કે શેખ હસીનાની સરકાર દરમિયાન બાંગ્લાદેશમાંથી ઉત્તર-પૂર્વના તમામ આતંકવાદી જૂથોને ખતમ કરી દેવામાં આવ્યા હતા, પરંતુ હવે આપણા માટે ચિંતાનો વિષય હશે કે બાંગ્લાદેશ ફરી એકવાર આવા આતંકવાદીઓ માટે સુરક્ષિત આશ્રય બની શકે છે. ભારત અને બાંગ્લાદેશ વચ્ચે લગભગ ૪૦૦૦ કિલોમીટર લાંબી સરહદ છે. જેમાંથી સૌથી મોટો ભાગ, લગભગ ૨૨૦૦ કિલોમીટર, પશ્ચિમ બંગાળ રાજ્યમાં આવેલો છે. આ સિવાય બાંગ્લાદેશ તેની સરહદ ભારતના આસામ, ત્રિપુરા, મિઝોરમ અને મેઘાલય સાથે પણ વહેંચે છે. આવી સ્થિતિમાં ભારત માટે સરહદ પર સુરક્ષા વધારવી અને ઘૂસણખોરીના પ્રયાસોને રોકવા ખૂબ જ મહત્વપૂર્ણ બની જાય છે.