અમે ૧૦ વર્ષ ડબલ એન્જિનની સરકાર જાેઈ, કોઈ ફાયદો થયો નહીં : ઓમર અબ્દુલ્લા

નેશનલ કોન્ફરન્સના નેતા અને જમ્મુ-કાશ્મીરના પૂર્વ સીએમ ઓમર અબ્દુલ્લાએ મંગળવારે ભારતીય જનતા પાર્ટી પર આકરા પ્રહારો કર્યા હતા. કિશ્તવાડમાં આયોજિત સભામાં તેમણે કહ્યું કે અમે રાજ્યમાં ૧૦ વર્ષ સુધી ડબલ એન્જિનની સરકાર જાેઈ, પરંતુ કોઈ ફાયદો થયો નહીં. અમે ૧૦ વર્ષથી રાહ જાેઈ રહ્યા હતા કે ચૂંટણી ક્યારે થશે. તેમણે કહ્યું કે ભાજપ પોતાના હેતુઓ માટે હંમેશા એવા લોકો સાથે ભળી જાય છે જેમની વિરુદ્ધ ભાજપ બોલતી હતી. તેણે ૨૦૧૪માં પણ રાજ્યમાં આવું જ કર્યું હતું. તેઓ દરેક રાજ્યમાં ડબલ એન્જિનની વાત કરે છે. ૨૦૧૪થી લઈને અત્યાર સુધી ૧૦ વર્ષ સુધી મુફ્તી અને એલજી સાહેબના રૂપમાં ડબલ એન્જિનની સરકાર જાેઈ પરંતુ રાજ્યને કંઈ મળ્યું નહીં.ઓમર અબ્દુલ્લાએ લોકોને કહ્યું કે મેં ક્યારેય ધર્મના નામે રાજનીતિ નથી કરી.

હું જાણું છું કે જ્યારે આપણે પરેશાન હોઈએ છીએ ત્યારે દરેક ધર્મના લોકો પરેશાન થાય છે. અમે ક્યારેય ધર્મના નામે વોટ માંગ્યા નથી. આ લોકો ડરાવવા અને ધમકીઓ આપવા સિવાય કંઈ કરતા નથી.ઓમર અબ્દુલ્લાએ એક દિવસ પહેલા જ બનિહાલમાં રેલી દરમિયાન દાવો કર્યો હતો કે આ વખતે તેઓ તેમના સહયોગી કોંગ્રેસ સાથે મળીને જમ્મુ-કાશ્મીરમાં સરકાર બનાવવા જઈ રહ્યા છે. તેમણે એક ચૂંટણી રેલીમાં કહ્યું કે અમે કોંગ્રેસ સાથે ગઠબંધન કર્યું છે અને અમે સાથે મળીને લડી રહ્યા છીએ. એવી કેટલીક બેઠકો છે જ્યાં સ્પર્ધા મૈત્રીપૂર્ણ છે.

તેમણે કહ્યું કે જ્યારે ૮ ઓક્ટોબરે મતોની ગણતરી થશે ત્યારે જમ્મુ-કાશ્મીરમાં નવી સરકાર બનશે.તેમણે મંત્રી વાનીના નિવેદનની પણ ટીકા કરી હતી. ઓમર અબ્દુલ્લાએ કહ્યું કે અલબત્ત મેં હરીફ ઉમેદવારો વિશે કંઈ ન કહેવાનો ર્નિણય કર્યો છે, પરંતુ વાનીના નિવેદનોને અવગણી શકાય નહીં. તેમણે કહ્યું કે અમારા નેતૃત્વ, અમારા પક્ષના ધ્વજ અને અમારા પક્ષના સ્થાપક શેખ મોહમ્મદ અબ્દુલ્લા વિશે પણ હું તેમને પૂછવા માંગુ છું કે જ્યારે અમે બે મહિના પહેલા આ શહેરમાં કોંગ્રેસના લોકસભા ઉમેદવાર માટે ઉભા હતા ત્યારે શું થયું હતું. તેણે અમારી ખૂબ પ્રશંસા કરી. કાં તો તે તે સમયે જૂઠું બોલી રહ્યો હતો અથવા તે આ વખતે ખોટું બોલી રહ્યો છે. બંને બાબતો સાચી ન હોઈ શકે.