આહીરની દીકરી મુસ્લિમ સાથે પરણે તો તેનો વિરોધ નહીંઃ ધારાસભ્ય વિક્રમ માડમ

હાલ ગુજરાત સરકાર લવજેહાદ વિરોધી કાયદો ઘડી રહી છે તેવામાં ખંભાળીયાના કોંગ્રેસના ધારાસભ્ય વિક્રમ માડમે તેમના વિસ્તારની આહીર યુવતીએ મુસ્લિમ યુવાન સાથે લગ્ન કર્યાં તેનો વિરોધ ન થવો જાેઇએ તેવું નિવેદન આપ્યું હતું. પંચાયતની ચૂંટણીના પ્રચારમાં ભાણવડના ઢેબર ગામે ગયેલા માડમે ત્યાંના મુસ્લિમ મતદાતાઓ સામે આ પ્રવચન કર્યું તેનો વીડિયો વાઇરલ થયો હતો. આ વીડિયોમાં માડમે કહ્યું કે તે યુવતીએ રાજીખુશીથી લગ્ન કર્યાં હતાં, પરાણે કર્યાં હોય તો વિરોધની વાત આવે.

કરીના કપૂરે સૈફ અલી ખાન સાથે લગ્ન કર્યાં તો વિરોધ ન થયો કારણ કે પૈસાદાર લોકોનો વિરોધ થતો નથી. પણ ગરીબ આવાં લગ્ન કરે તો વિરોધ થાય છે. આ વીડિયો બાદ લોકોએ માડમને ફોન કરીને આહીર સમાજનું દિલ દુભાયું હોઇ માફી માંગવા જણાવ્યું, ત્યારે માડમે માફી તો હું મારા બાપની ય ન માંગુ તેમ કહ્યું. પણ જ્યારે આ વિરોધ વકર્યો ત્યારે માડમે સોશિયલ મીડિયા પર માફી માંગ હતી.