સાવરકુંડલાના ધારાસભ્ય મહેશભાઈ કસવાલા ના અટલધારા કાર્યાલય ખાતે શહેરના૨૭૧ ગરીબ લાભાર્થીઓને રૂપિયા ૯ કરોડ થી વધારે ની મકાન ની સહાયની ચાવી અર્પણ કરવાનો અને અટલજીની પુણ્યતિથિ નિમિત્તે શ્રદ્ધાંજલિ આપવાનો કાર્યક્રમ યોજાયો

સાવરકુંડલા શહેરમાં ગરીબ પરિવારને સ્વપ્નનું ઘર છેલ્લા દોઢ વર્ષથી મળતું ન હતું અને ૨૭૧ પરિવારો આ  યાતના ભોગવી રહ્યા હતા જોકે અગાઉ ૫૦૦ ઉપરાંત પરિવારોને આ લાભ અપાઇ ચૂક્યો છે. ધારાસભ્ય મહેશભાઈ કસવાળા અને સાંસદ નારણભાઈ કાછડીયા એે ૨૭૧ પરિવારોની વેદના ને ગાંધીનગર મુખ્યમંત્રી પાસે પહોંચાડી અને તુરત જ રૂપિયા ૯ કરોડ ઉપરાંતની રકમના ૨૭૧ મકાનોની સહાય અને મકાનની ચાવી સાવરકુંડલાના ધારાસભ્ય મહેશભાઈ કસવાળા ના કાર્યાલય ખાતે અર્પણ કરવામાં આવી. આ કાર્યક્રમમાં ધારાસભ્ય મહેશભાઈ કસવાળા શહેર ભાજપ પ્રમુખ પ્રવીણભાઈ સાવજ તાલુકા ભાજપ પ્રમુખ જીવનભાઈ વેકરીયા, પાલિકા પ્રમુખ પતિ રાજુભાઈ દોશી, કેશુભાઈ વાઘેલા, શરદભાઈ પંડ્યા અને શહેરના પાલિકાના સદસ્યો ના વરદ હસ્તે આ ચાવી આપવાનો કાર્યક્રમ યોજાયો હતો. જેમાં ૨૭૧ લાભાર્થીઓ, શહેરના નાગરિકો, શહેર તાલુકા અને પાલિકાના હોદ્દેદારો અને સંગઠનના હોદ્દેદારો સહિત મોટી સંખ્યામાં ઉપસ્થિતિ હતી. કોઈ ગરીબ પરિવાર  પોતાના મકાનથી વંચિત ન રહે આ સ્વપ્ન અટલજીનું હતુ ત્યારે તેમની પુણ્યતિથિએ ધારાસભ્ય કસવાળા અને તેમની ટીમ આ કાર્યમાં સફળ થઈ છે. ધારાસભ્ય કસવાલાએ આ પ્રસંગે જણાવ્યું કે આપ સૌના આશીર્વાદથી અમે આ સમસ્યાનો ઉકેલ કરવામાં સફળ થયા છીએ. અમે આપના ઉપર ઉપકાર નથી કરતા પરંતુ અમે અમારી ફરજ બજાવીએ છીએ કારણ કે તમે અમને આશીર્વાદ આપ્યા છે. આ પ્રસંગે રાજુભાઈ દોશી અને પ્રવીણભાઈ સાવજ એ પણ પ્રાસંગિક પ્રવચનો અને મહત્વની વાતો કરી હતી. સાથોસાથ અટલજીની પુણ્યતિથિ હોય અટલજીની તસવીરને ધારાસભ્ય મહેશભાઈ કસવાળા સહિતના તમામ ઉપસ્થિત હોદ્દેદારોએ પુષ્પમાળા અને પુષ્પ અર્પણ કરી વંદન કરી શ્રદ્ધાંજલિ આપી હતી..