બાબરા તાલુકાના વાંકીયા ગામે ફાયરીંગ બટ આસપાસના વિસ્તારમાં અવરજવર પર પ્રતિબંધ

અમરેલી જિલ્લાના બાબરા તાલુકાના વાંકીયા ગામે સરકારી પડતર જમીન પર આવેલા ફાયરીંગ બટ ખાતે આગામી તા.૩૧ જાન્યુઆરી, ૨૦૨૪ સુધી અમરેલી જિલ્લા ખાતે વર્ષ ૨૦૨૩-૨૪માં બાકી રહેલી વાર્ષિક ફાયરીંગ શરુ થઈ છે.

    આ સ્થિતિમાં ફાયરીંગ પ્રેક્ટીસના સમયગાળા દરમિયાન તકેદારીના ભાગરૂપે અધિક  મેજીસ્ટ્રેટશ્રીએ તા.૦૧ જાન્યુઆરી, ૨૦૨૪થી તા.૩૧ જાન્યુઆરી,૨૦૨૪ સુધી ફાયરીંગ બટ માટે મુકરર થયેલી જગ્યામાં તાર ફેન્સીંગ કરી તેની બાહ્મ સીમા નક્કી છે તે મુજબ તે જગ્યાની ચારે તરફની બાહ્મ સીમાથી ૧૦૦ મીટરના અંતર સુધી તમામ રાહદારીઓની અવર જવર પર પ્રવેશબંધી ફરમાવવામાં આવી છે. આ હુકમનો ભંગ કરનાર વિરૂદ્ધ ગુજરાત પોલીસ અધિનિયમનની કલમ-૧૩૧ મુજબ શિક્ષાત્મક કાર્યવાહી થશે.