ફિલ્મ ‘પઠાણ’ માટે જાેન અબ્રાહમનો લૂક જાહેર

યશ રાજ ફિલ્મ્સની બિગ બજેટ ફિલ્મ ‘પઠાણ’ ની રિલીઝના ૫ મહિના બાકી છે અને આજે સ્ટુડિયો દ્વારા આ ફિલ્મમાં વિલનના કિરદારમાં નજર આવનાર જાેન અબ્રાહમનો લૂક શેર કર્યો છે. સિદ્ધાર્થ આનંદ દ્વારા દિગ્દર્શિત આ ફિલ્મમાં આ પહેલા શાહરૂખ ખાનનો લૂક, દીપિકા પાદુકોણના કિરદારની ઝલક બાદ જાેનના અનોખા એક્શન અવતારને રજૂ કરવામાં આવ્યો છે. જાેનને સુપર સ્લીક અવતારમાં જાેઈને ફિલ્મ વિશે ફરી એકવાર ચર્ચા જાગી છે. ફિલ્મ ડિરેક્ટર સિદ્ધાર્થ આનંદનું આ વિશે કહેવું છે કે, પઠાણની પ્રત્યેક ઘોષણા એક કોયડા સમાન છે.

એક લાંબા કોયડાના ટુકડાને ચાહકો અને પ્રેક્ષકો સમક્ષ અમે ધીરે ધીરે ઉકેલી રહ્યા છીએ. જે ફિલ્મની રિલીઝ તારીખ સુધી યોગ્ય રીતે ચાલશે.પઠાણ એક્શનથી ભરપૂર છે અને આ ફિલ્મથી અમે ઓડિયન્સને આગવો અનુભવ આપવા માટે આતુર છીએ. વિલન તરીકે જાેનને લેવાના ર્નિણય વિશે તેમણે જણાવ્યું હતું કે, જાેન અબ્રાહમ પઠાણમાં પ્રતિસ્પર્ધી છે હું હંમેશાએ હકીકતમાં માનતો આવ્યો છું કે, વિલનની રજૂઆત મોટી હોવી જાેઇએ, જાેકે હીરોથી વધુ મોટી નહી. જ્યારે ખલનાયક અનેક ગણો મોટો હોય ત્યારે જ તેમની વચ્ચેનો વિવાદ ભવ્ય હોઈ શકે છે. અને જ્યારે શાહરુખ જાેન સાથે લડે છે તે સમયના દરેક એક્શન સીન્સ અદભુત છે.

અમે પહેલેથી જ, જાેનને એક નવા જ સુપર સ્લિક અવતારમાં રજૂ કરવા માગતા હતા. આ સાથે જ તેમણે ઉમેર્યું હતું કે, એસઆરકે, દીપિકા પાદુકોણ અને હવે જ્હોનનો પહેલો લૂક લોકોને જરૂર ગમશે તેવી આશા છે. દર્શકો ફિલ્મ જુએ તેવુ અમે ઈચ્છીએ છીએ. ધીરે ધીરે પઠાણની દુનિયાના વિવિધ રાઝ ઓડિયન્સ સામે આવશે અને તેમાં ભવ્ય એક્શન જાેવા મળશે. યશ રાજ ફિલ્મ્સના બેનર હેઠળ તૈયાર થયેલી આ ફિલ્મ ૨૫ જાન્યુઆરી, ૨૦૨૩ ના રોજ હિન્દી, તમિલ અને તેલુગુમાં રિલીઝ થવાની છે..