પહેલા જ દિવસે ‘શૈતાન’ ફિલ્મે ૧૪.૫૦ કરોડની કમાણી કરી

અજય દેવગન, આર માધવન અને જ્યોતિકાની ફિલ્મ ‘શૈતાન’ ગઈ કાલે એટલે કે ૮મી માર્ચે સિનેમાઘરોમાં રિલીઝ થઈ હતી. હની ‘શૈતાન’ની રિલીઝ પહેલા જ સમાચારોમાં હતી. ફિલ્મને ક્રિટિક્સ અને ઓડિયન્સ તરફથી સારો રિસ્પોન્સ મળી રહ્યો છે. ફિલ્મે રિલીઝ પહેલા એડવાન્સ બુકિંગના મામલે શાનદાર બિઝનેસ કર્યો હતો. જે બાદ દરેકને ‘શૈતાન’ના ઓપનિંગ કલેક્શન પાસેથી ઘણી અપેક્ષાઓ હતી. ફિલ્મના પહેલા દિવસના આંકડા પણ સામે આવ્યા છે.

જ્યારથી અજય દેવગનની હોરર ડ્રામા ફિલ્મનું ટ્રેલર રિલીઝ થયું છે ત્યારથી જ ચાહકો તેની રિલીઝની રાહ જાેઈ રહ્યા હતા. ફિલ્મની રિલીઝનો આજે બીજાે દિવસ છે. એડવાન્સ બુકિંગના આંકડાઓ જાેતા અનુમાન લગાવવામાં આવ્યું હતું કે શૈતાન પહેલા દિવસે ૮થી ૧૨ કરોડ રૂપિયાનો બિઝનેસ કરશે. પરંતુ પહેલા દિવસની કમાણીથી મેકર્સ ઘણા ખુશ છે. ફિલ્મની શરૂઆત સારી માનવામાં આવે છે. લેટેસ્ટ રિપોર્ટ અનુસાર અજય દેવગન, આર માધવન અને જ્યોતિકાની ફિલ્મ ‘શૈતાન’ એ પહેલા દિવસે ૧૪.૫૦ કરોડ રૂપિયાની કમાણી કરી છે. ૬૦થી ૬૫ કરોડના ખર્ચે બનેલા શૈતાનના આ આંકડા હજુ પ્રાથમિક છે. આમાં હજુ પણ કેટલાક ફેરફારો થઈ શકે છે. પરંતુ આ આંકડાઓ ઉત્તમ માનવામાં આવી રહ્યા છે અને શનિવાર અને રવિવારની કમાણીમાં ઉછાળો આવવાની અપેક્ષા છે.

એક રિપોર્ટ અનુસાર, શૈતાનની રિલીઝના પહેલા દિવસે ૩૮૪૪ શો ચલાવવામાં આવ્યા હતા. આર માધવને ફિલ્મમાં શેતાનનો મહત્વનો રોલ કર્યો છે. તેમનું કામ પણ ઘણું પસંદ કરવામાં આવી રહ્યું છે. આ ફિલ્મને ટક્કર આપવા માટે સાઉથની બે ફિલ્મો પણ રિલીઝ થઈ છે. ગામી અને ભીમા ફિલ્મો પણ ૮ માર્ચે સિનેમાઘરોમાં રિલીઝ થઈ રહી છે. તમને જણાવી દઈએ કે વિકાસ બહલ દ્વારા નિર્દેશિત ફિલ્મ ‘શૈતાન’ ૮ માર્ચ ૨૦૨૪ના રોજ સિનેમાઘરોમાં રિલીઝ થઈ છે. અજય દેવગન, જ્યોતિ દેશપાંડે, કુમાર મંગત પાઠક અને અભિષેક પાઠક આ ફિલ્મનું નિર્માણ કરી રહ્યા છે. આ સિવાય આ વર્ષે અજયની વધુ ૫ મોટી ફિલ્મો રિલીઝ થઈ રહી છે.

અજય દેવગનની આ ફિલ્મોની ચાહકો આતુરતાથી રાહ જાેઈ રહ્યા છે. ફિલ્મ ‘શૈતાન’ બાદ અજય દેવગનની ફિલ્મ ‘ઓરોં મેં કહાં દમ થા’ અને ‘મેદાન’ એપ્રિલમાં રિલીઝ થઈ રહી છે. આ સિવાય ફિલ્મ ‘સિંઘમ અગેન’ ઓગસ્ટમાં રિલીઝ થવા જઈ રહી છે અને ફિલ્મ ‘રેઈડ ૨’ નવેમ્બરમાં રિલીઝ થઈ રહી છે. આર માધવનના વર્ક ફ્રન્ટ વિશે વાત કરીએ તો, શશિકાંતનું ક્રિકેટ ડ્રામા, ‘ટેસ્ટ’, ‘અધિષ્ઠાસાલી’ અને ‘જીડી નાયડુ બાયોપિક’ પણ પાઇપલાઇનમાં છે.