fbpx
ગુજરાત

ઉત્તરવહી ૬ જાન્યુઆરી સુધી જમા કરાવવાની રહેશે ધોરણ ૩થી ૮ની ૩૦ અને ૩૧ ડિસેમ્બરે એકમ કસોટી યોજાશે

શિક્ષણ વિભાગ દ્વારા ધોરણ ૩થી૮માં લેવાનારી એકમ કસોટીની તારીખો જાહેર કરવામાં આવી છે. ડિસેમ્બરના અંતમાં એકમ કસોટી યોજાશે.આ એકમ કસોટીમાં ગુજરાતી અને ગણિતની પરીક્ષા લેવાશે. આ પરીક્ષા ૩૦ અને ૩૧મી ડિસેમ્બરના રોજ લેવામાં આવશે. આ અગાઉ વિભાગ દ્વારા ૪ એકમ કસોટી યોજવામાં આવી છે. ડિસેમ્બરમાં પાંચમી એકમ કસોટીનું આયોજન કરવામાં આવ્યું છે.
અત્યાર સુધી શિક્ષણ વિભાગ દ્વારા જુલાઈ, ઓગસ્ટ, સપ્ટેમ્બર અને ઓક્ટોબર એમ ચાર કસોટી લેવામાં આવી છે. ડિસેમ્બરમાં યોજાનારી એકમ કસોટી માટે વિદ્યાર્થીઓને હાર્ડ કોપી અથવા સોફ્ટ કોપીમાં મોકલી આપવામાં આવશે. ગુજરાતી અને ગણિત વિષયમાં લેવાનારી આ પરીક્ષા બાદ વાલીઓએ ૬ જાન્યુઆરી સુધીમાં ઉત્તરવહીઓ જમા કરાવવાની રહેશે. જે શાળાઓ ડિસેમ્બરના અંતમાં નાતાલનું વેકેશન આપતી હોય તેવી શાળાઓ એકમ કસોટીના કાર્યક્રમમાં ફેરફાર કરી શકે છે. આ શાળાઓએ પણ ૬ જાન્યુઆરી સુધીમાં એકમ કસોટીની ઉત્તરવહીઓ મળી જાય તે રીતે પરીક્ષાના કાર્યક્રમમાં ફેરફાર કરવાનો રહેશે.

Follow Me:

Related Posts