ખંભાતમાં એક ગામના શખસે મિત્રની જ પત્નીને લાલચ આપી દુષ્કર્મ આચર્યું

ખંભાત શહેરના એક ગામમાં રહેતાં શખસે મિત્રની જ પત્ની સાથે આંખો મળી જતાં તેમજ નવો મોબાઈલ લઈ આપવાની લાલચ આપી દુષ્કર્મ ગુજારતાં સમગ્ર મામલો ખંભાત શહેર પોલીસ સ્ટેશને પહોંચ્યો હતો. આ અંગેની પ્રાપ્ત માહિતી અનુસાર, ખંભાતમાં રહેતા જયેશ રાઠોડ નામના એક યુવકને તેના મિત્રની જ પત્ની સાથે આંખો મળી હતી. જેને કારણે છેલ્લાં દોઢ-બે માસથી બંને જણાં એકબીજાને મળતાં હતા. દરમિયાન, પરિણીતાનો મોબાઈલ બગડી જતાં શખસે તેણીને નવો મોબાઈલ લઈ આપવાની લાલચ આપી હતી. અને શખસે તેની સાથે દુષ્કર્મ આચર્યું હતું. આ અંગેની જાણ પરિણીતાના પતિને થતાં જ તેણે ખંભાત પોલીસ સ્ટેશનમાં શખસ વિરૂદ્ધ દુષ્કર્મની કલમ હેઠળ ફરિયાદ નોંધાવતા પોલીસે ગુનો નોંધી તેને ઝડપી પાડવાની કાર્યવાહી હાથ ધરી છે.