મુરાદાબાદમાં લગ્નની પહેલી રાત્રે જ વરરાજાએ પત્ની અને સાળીને લાકડી વડે માર માર્યોદુલ્હનના માતા-પિતા પતિને દહેજ તરીકે ૨ લાખ રૂપિયા અને એક બાઇક આપી ન શકતાં સુહાગરાતે જ માથાકુટ કરી

મુરાદાબાદમાં, એક વ્યક્તિએ લગ્નના પહેલાં જ દિવસે તેની પત્ની, સાળી અને સાસરિયાઓને ર્નિદયતાથી માર માર્યો છે. તેણે તેની પત્ની અને સાળીને પણ લાકડીઓ વડે ફટકારી હતી. ઘટનાની માહિતી મળતાં જ પોલીસ ઘટના સ્થળે પહોંચી ગઈ હતી. પોલીસે તમામને બચાવી લીધા હતા. પોલીસે પીડિત મહિલાની ફરિયાદના આધારે સાત આરોપીઓ સામે ગુનો નોંધ્યો હતો. મુરાદાબાદના ઠાકુરદ્વારામાં ત્યારે સનસનાટી ફેલાઈ ગઈ જ્યારે એક ઘરમાંથી ચીસોનો અવાજ આવવા લાગ્યો. અહીં એક વ્યક્તિએ લગ્નની પહેલી જ રાત્રે તેની પત્ની અને સાળીને ર્નિદયતાથી માર માર્યો હતો.

તેણે પહેલાં બંનેને બંધક બનાવ્યા અને પછી માર માર્યો. આ વાતની જાણ થતાં જ જ્યારે સાસરિયાં તેમને બચાવવા આવ્યા તો તેઓએ તેમને પણ ફટકાર્યા હતા. પોલીસે કોઈક રીતે પીડિત પરિવારનો જીવ બચાવ્યો હતો. પોલીસે આ મામલામાં સાત લોકો વિરુદ્ધ હ્લૈંઇ નોંધી છે. પોલીસે જણાવ્યું કે દહેજ ન ચૂકવવાને કારણે આરોપીએ તેની પત્ની અને તેની નાની બહેન સાથે અમાનવીય વર્તન કર્યું હતું. આ ઘટના ઠાકુરદ્વારાના માછલી બજાર વિસ્તારમાં બની હતી. મળતી માહિતી મુજબ, પોલીસને એક અજાણ્યા વ્યક્તિ પાસેથી માહિતી મળી હતી કે માછલી બજારના એક ઘરમાંથી મહિલાઓની ચીસોનો અવાજ આવી રહ્યો છે. માહિતી મળતા જ પોલીસ તાત્કાલિક ઘટનાસ્થળે પહોંચી ગઈ હતી.

અહીં તપાસમાં બહાર આવ્યું છે કે ઈમરાને તેની પત્ની અને સાળીને લાકડીઓ વડે માર માર્યો હતો. આ મારના કારણે બંને મહિલાઓની હાલત ખરાબ થઈ ગઈ હતી. અહીં પોલીસને એ પણ જાણવા મળ્યું કે આરોપીઓએ માત્ર આ બંનેને જ નહીં પરંતુ તેમના પરિવારના સભ્યોને પણ માર માર્યો હતો. પોલીસે પહેલા અહીંથી બધાને છોડાવ્યા અને પછી આરોપીઓ વિરુદ્ધ કેસ નોંધ્યો. પોલીસે મહિલાના પતિ ઈમરાન અને સસરા ઈરફાન તેમજ ઈકલાખ, અકરમ, રશીદ, અખ્લાક અને ફૈઝાન સામે ગુનો નોંધ્યો હતો. પોલીસે જણાવ્યું કે પીડિત મહિલાઓની ફરિયાદના આધારે આરોપી વિરુદ્ધ કેસ નોંધવામાં આવ્યો છે. આરોપીની પત્નીએ પોલીસને જણાવ્યું કે તેના માતા-પિતા તેના પતિને દહેજ તરીકે ૨ લાખ રૂપિયા અને એક બાઇક આપી શક્યા ન હતા. આ બાબતથી નારાજ થઈને પતિએ સુહાગરાતે જ બધાને માર માર્યો હતો. પોલીસે જણાવ્યું કે ઘટના બાદ આરોપીઓ ફરાર થઈ ગયા છે. તમામની શોધખોળ કરવામાં આવી રહી છે. તમને જણાવી દઈએ કે, પાકબારાના ઈસ્લામનગરમાં રહેતા અનીસ અહેમદની દીકરી મુસ્કાનના લગ્ન માછલી બજારમાં રહેતા ઈમરાનના પુત્ર ઈરફાન સાથે થયા હતા. લગ્ન સુધી બધું બરાબર ચાલ્યું. પરંતુ, બંને ઘરે જતાં જ ઈમરાનનો મૂડ ખરાબ થઈ ગયો હતો. તે મુસ્કાનને ગાળો આપતો રહ્યો. જ્યારે મુસ્કાને ગંભીરતાથી તેનું કારણ પૂછ્યું તો તેણે તેને લાકડીઓથી મારવાનું શરૂ કરી દીધું. તેની નાની બહેન ગુડિયા પણ મુસ્કાન સાથે આવી હતી. ઈમરાને પણ આ રીતે માર માર્યો હતો.