આગામી ૩ દિવસ કમોસમી વરસાદની આગાહી

હવામાન વિભાગની આગાહી અનુસાર આજે ગુરુવાર રાજ્યમાં આગઝરતી ગરમી પડે તેવી સંભાવના છે. જાે કે બીજી જ તરફ ગુજરાતના કેટલાક વિસ્તારોમાં આજથી કમોસમી વરસાદ થવાની પણ આગાહી કરવામાં આવી છે. વરસાદ થવાથી તાપમાનમાં ઘટાડો થવાની સંભાવના છે. રાજ્યના કેટલાક જિલ્લાઓમાં ગરમીનો પારો ૧૪ ડિગ્રીની રહે તેવી સંભાવના છે. આજે અમદાવાદ, અરવલ્લી, દાહોદ, ડાંગ, ગાંધીનગર, નવસારી, સાબરકાંઠા, સુરત સહિતના જિલ્લાઓમાં ૪૦ ડિગ્રી મહત્તમ તાપમાન રહે તેવી સંભાવના છે.

આણંદ, બોટાદ, છોટાઉદેપુર, જુનાગઢ, ખેડા, મહીસાગર, પંચમહાલ, સુરેન્દ્રનગર સહિતના જિલ્લાઓમાં ૪૧ ડિગ્રી મહત્તમ તાપમાન રહે તેવી સંભાવના છે. ભાવનગર, મોરબી, મહેસાણા, પાટણ, રાજકોટ સહિતના જિલ્લાઓમાં ૩૯ ડિગ્રી મહત્તમ તાપમાન રહે તેવી સંભાવના છે. હવામાન વિભાગની આગાહી અનુસાર અમદાવાદ, આણંદ, ભાવનગર, નર્મદા, તાપી, વડોદરા સહિતના જિલ્લાઓમાં ૨૭ ડિગ્રી ન્યૂનતમ તાપમાન રહે તેવી સંભાવના છે. અમરેલી, અરવલ્લી, બોટાદ, ગાંધીનગર, ગીર સોમનાથ, જામનગર, કચ્છ, મહીસાગર સહિતના જિલ્લાઓમાં આજે ૨૬ ડિગ્રી ન્યૂનતમ તાપમાન રહે તેવી સંભાવના છે. હવામાન શાસ્ત્રી અંબાલાલ પટેલની આગાહી અનુસાર આજથી આગામી ૩ દિવસ કમોસમી વરસાદ પડે તેવી સંભાવના છે.