આચાર્ય લોકેશજી એ મહારાષ્ટ્રના રાજ્યપાલ કોશ્યારીજી સાથે મુલાકાત કરી અને વર્લ્ડ પીસ સેન્ટર પ્રોજેક્ટ અને રાષ્ટ્રનાં મહત્વના મુદ્દાઓ પર ચર્ચા કરી. સમાજ અને રાષ્ટ્ર માટે જૈન સમુદાયનું મહત્વનું યોગદાન – રાજ્યપાલ ભગતસિંહ કોશ્યારીજી વિશ્વ શાંતિ કેન્દ્ર વિશ્વમાં શાંતિ અને સંવાદિતાનો સંદેશ ફેલાવશે – આચાર્ય લોકેશજી

અહિંસા વિશ્વ ભારતીના સ્થાપક આચાર્ય ડૉ લોકેશજી મહારાષ્ટ્રના રાજ્યપાલ શ્રી ભગતસિંહ કોશ્યારીજીને મળ્યા અને રાષ્ટ્રનાં મહત્વના મુદ્દાઓ પર ચર્ચા કરી. આ સાથે આચાર્ય લોકેશજી એ રાજ્યપાલને અહિંસા વિશ્વ ભારતી સંસ્થા દ્વારા સ્થાપવામાં આવી રહેલા વર્લ્ડ પીસ સેન્ટર પ્રોજેક્ટ વિશે પણ માહિતી આપી હતી. પ્રતિનિધિ મંડળમાં મુંબઈના કિશોર ખાબિયાજી  ઉપસ્થિત રહ્યા હતા. રાષ્ટ્રીય રાજધાની દિલ્હી ક્ષેત્રના ગુરુગ્રામમાં સ્થાપિત થનારા વિશ્વ શાંતિ કેન્દ્ર પ્રોજેક્ટ વિશે માહિતી આપતા, આંતરરાષ્ટ્રીય ખ્યાતિ ધરાવતા જાણીતા જૈન આચાર્ય શાંતિદૂત ડૉ. લોકેશજીએ જણાવ્યું કે તાજેતરમાં ૧૭ એપ્રિલ, ૨૦૨૨ના રોજ વર્ડ પીસ સેન્ટરનું ભૂમિ પૂજન સમારોહનું આયોજન કરવામાં આવ્યું હતું . તેમણે કહ્યું કે, અહિંસા વિશ્વ ભારતી સંસ્થા દ્વારા ગુરુગ્રામમાં સ્થાપિત કરવામાં આવેલ આ ભારતનું પ્રથમ ‘વર્લ્ડ પીસ સેન્ટર’ હશે. આ કેન્દ્ર વિશ્વભરમાં શાંતિ અને સૌહાર્દની સ્થાપના માટે કામ કરશે અને ધ્યાન, યોગ, ભારતીય સંસ્કૃતિ અને જૈન જીવનશૈલી, યુવાનોના વ્યક્તિત્વ વિકાસના વિવિધ આયામો, મહિલા સશક્તિકરણ અને બાળકોની સંસ્કૃતિ પર આધારિત વૈજ્ઞાનિક કાર્યક્રમો દ્વારા પણ સંચાલિત કરવામાં આવશે. મહારાષ્ટ્રના રાજ્યપાલ ભગતસિંહ કોશ્યારીજી એ આચાર્ય લોકેશજીને વર્લ્ડ પીસ સેન્ટર પ્રોજેક્ટ માટે અભિનંદન આપતાં કહ્યું કે, મને વિશ્વાસ છે કે આ કેન્દ્ર અહિંસા, શાંતિ તેમજ ભારતીય સંસ્કૃતિનો સંદેશ ફેલાવવામાં સક્ષમ બનશે. અને સમગ્ર વિશ્વમાં વસુધૈવ કુટુંબકમ્ સમર્થ હશે.  તેમણે કહ્યું કે, જૈન સમાજનું સામાજિક અને રાષ્ટ્રીય કાર્યમાં મહત્વનું યોગદાન છે, આ સમાજ મુશ્કેલીના સમયમાં અગ્રેસર રહીને સેવા કાર્યમાં આગળ રહે છે. આ પ્રસંગે કિશોર ખાબિયાજી એ આચાર્ય લોકેશજીની આગેવાની હેઠળ અહિંસા વિશ્વ ભારતી સંસ્થા દ્વારા કરવામાં આવતી માનવતાવાદી પ્રવૃત્તિઓ વિશે માહિતી આપી હતી.