સંસદનું છેલ્લા શિયાળુ સત્રની કાર્યવાહી શરૂ થતાં જ વિપક્ષી સાંસદોએ હંગામો મચાવ્યો

સંસદનું શિયાળુ સત્ર સોમવારથી શરૂ થયું છે. સત્રની કાર્યવાહી શરૂ થતાં જ વિપક્ષી સાંસદોએ હંગામો મચાવ્યો હતો. બસપાના સાંસદ દાનિશ અલી પ્લેકાર્ડ લઈને ગૃહમાં પહોંચ્યા હતા, જેનો શાસક પક્ષના સાંસદોએ વિરોધ કર્યો હતો. સ્પીકર ઓમ બિરલા પણ ખૂબ ગુસ્સામાં જાેવા મળ્યા. હંગામો વધતો જાેઈને તેમણે કાર્યવાહી ૧૨ વાગ્યા સુધી સ્થગિત કરી દીધી. મ્જીઁ સાંસદ દાનિશ અલી બીજેપી સાંસદ રમેશ બિધુરી વિરુદ્ધ કાર્યવાહીની માંગ કરી રહ્યા છે.

તેઓએ સંસદ પરિસરમાં વિરોધ પ્રદર્શન પણ કર્યું હતું. તમને જણાવી દઈએ કે રમેશ બિધુરીએ સપ્ટેમ્બરમાં સંસદના વિશેષ સત્રમાં દાનિશ અલી પર વિવાદાસ્પદ ટિપ્પણી કરી હતી. દાનિશ અલી સહિતના વિપક્ષના સાંસદો રમેશ બિધુરી સામે કાર્યવાહીની માંગ કરી રહ્યા છે. દાનિશ અલી જે પ્લેકાર્ડ લઈને પહોંચ્યો હતો તેના પર લખ્યું હતું કે ભારત સાંસદનું અપમાન સહન નહીં કરે, બિધુરી વિરુદ્ધ કાર્યવાહી થવી જાેઈએ. લોકશાહી બચાવો.. આ પહેલા મધ્યપ્રદેશ, છત્તીસગઢ અને રાજસ્થાનની વિધાનસભા ચૂંટણીમાં ભાજપની જીતથી ઉત્સાહિત પાર્ટીના સભ્યોએ લોકસભામાં વડાપ્રધાન મોદીના સમર્થનમાં સૂત્રોચ્ચાર કર્યા હતા.

વડાપ્રધાન ગૃહમાં પ્રવેશ્યા બાદ ભાજપના સભ્યો અને સરકારના કેટલાક મંત્રીઓ પોતપોતાની જગ્યાએ ઉભા રહીને વારંવાર મોદી સરકાર, ત્રીજી વખત મોદી સરકાર અને એક ગેરંટી, મોદી કી ગેરંટી જેવા નારા લગાવવા લાગ્યા હતા. ભાજપના સભ્યોએ સૂત્રોચ્ચાર કર્યા હતા અને તાળીઓ પણ પાડી હતી. મધ્યપ્રદેશ, છત્તીસગઢ અને રાજસ્થાનમાં ભાજપને બહુમતી મળી, જ્યારે તેલંગાણામાં કોંગ્રેસનો વિજય થયો. ગૃહની કાર્યવાહી શરૂ થતા પહેલા વડાપ્રધાન મોદીએ સંસદ સંકુલમાં કહ્યું કે ચાર રાજ્યોની વિધાનસભા ચૂંટણીના પરિણામો ખૂબ જ પ્રોત્સાહક રહ્યા છે. તેમણે કહ્યું કે, દેશે નકારાત્મકતાને નકારી કાઢી છે. સત્રની શરૂઆતમાં અમે અમારા વિપક્ષી સાથીદારો સાથે ચર્ચા કરી છે. અમારી ટીમ તેમની સાથે ચર્ચા કરે છે. સાથે મળીને અમે હંમેશા બધાના સહકાર માટે પ્રાર્થના કરીએ છીએ. આ વખતે પણ આવી તમામ કાર્યવાહી કરવામાં આવી છે.