સ્ટાર્ટઅપ કોન્ક્‌લેવ ૨૦૨૩માં કેન્દ્રીય શિક્ષણ અને કૌશલ્ય મંત્રીએ હાજર લોકોને સંબોધિત કર્યા

ભારત યુવાનોની મહેનતથી ૬ય્ તરફ આગળ વધી રહ્યું છે ઃ કેન્દ્રીય શિક્ષણમંત્રી ધર્મેન્દ્ર પ્રધાન

ગુજરાતના ગાંધીનગરમાં સ્ટાર્ટઅપ કોન્ક્‌લેવ ૨૦૨૩નું આયોજન કરવામાં આવ્યું હતું. જ્યાં કેન્દ્રીય શિક્ષણ અને કૌશલ્ય મંત્રી ધર્મેન્દ્ર પ્રધાનની સાથે અનેક મોટા લોકોએ ભાગ લીધો હતો. આ દરમિયાન ધર્મેન્દ્ર પ્રધાને કોન્ક્‌લેવમાં હાજર લોકોને સંબોધિત કર્યા હતા. તેમણે કહ્યું કે ભારત એક વિકસિત રાજ્ય અને વિશ્વનું ત્રીજું સૌથી મોટું અર્થતંત્ર બનશે, પરંતુ આ માટે કોઈ શોર્ટકટ રસ્તો નથી. દેશના યુવાનો પર ભાર મૂકતા મંત્રી ધર્મેન્દ્ર પ્રધાને કહ્યું કે યુવાનો પર વિશ્વાસ રાખીને તેમને માર્ગદર્શન આપવાની જરૂર છે. જેથી તેઓ વધુ સારું કામ કરી શકે છે. આ સાથે તેમણે કહ્યું કે સ્ટાર્ટઅપ એ બિઝનેસ કરવાની જૂની પદ્ધતિનો નવો અભિગમ છે. મંત્રીએ કહ્યું કે વ્યવસાયના બે મૂળભૂત તત્વો આવક અને નફો છે. તેમણે કહ્યું કે સ્ટાર્ટઅપ એ બિઝનેસનું નવું સ્વરૂપ છે. આવી સ્થિતિમાં દરેક સ્ટાર્ટઅપની પોતાની સક્સેસ સ્ટોરી હોય છે. યુવાનો નવા સ્ટાર્ટઅપ માટે ઉત્સાહી છે, સ્ટાર્ટઅપની સફળતા માટે સખત મહેનત કરે છે અને તેમની મહેનત પણ સફળ થાય છે..

આ સાથે મંત્રી ધર્મેન્દ્ર પ્રધાને નવી શિક્ષણ પ્રણાલી વિશે પણ વાત કરી હતી. તેમણે કહ્યું કે દેશની શિક્ષણ નીતિમાં કૌશલ્ય અને સાહસિકતા પર વિશેષ ધ્યાન આપવામાં આવી રહ્યું છે, જેથી તેને પ્રોત્સાહન આપી શકાય. આ મામલે પીએમ મોદીનો ઉલ્લેખ કરતા મંત્રીએ કહ્યું કે મોદી દેશના પહેલા પીએમ છે જેમણે ક્રિએટરને સ્થાન આપ્યું છે. તેમણે કહ્યું કે જે લોકો કંઈક નવું કરવા માગે છે તેમને અવશ્ય તક મળવી જાેઈએ. પ્રધાને કહ્યું કે આજે દેશ આઝાદીના સુવર્ણકાળની ઉજવણી કરી રહ્યો છે. પીએમ મોદીએ દેશના વિકાસને પ્રાથમિકતા આપી છે, તેના માટે સતત કામ કરવામાં આવી રહ્યું છે, જેના કારણે આજે ભારત વિકસિત ભારત બનવા તરફ આગળ વધી રહ્યું છે. પીએમ મોદીના કુશળ નેતૃત્વના કારણે લોકો ગરીબી રેખામાંથી બહાર આવી રહ્યા છે. મંત્રી ધર્મેન્દ્ર પ્રધાને કહ્યું કે, ભારત ટેક્નોલોજીના ક્ષેત્રમાં ઝડપી ગતિએ આગળ વધી રહ્યું છે. યુવાનોની મહેનતને કારણે આજે દેશ ૫ય્થી ૬ય્ તરફ આગળ વધી રહ્યો છે. યુવાનોમાં સ્ટાર્ટઅપની સમજ પણ વિકસી રહી છે, જેના કારણે દેશમાં નવી સ્ટાર્ટઅપ ઇકોસિસ્ટમ મજબૂત બની રહી છે.