પૂર્વ દિલ્હીના વિવેક વિહારના બેબી કેર સેન્ટરમાં લાગેલી આગમાં ૭ બાળકોના કરુણ મોતદિલ્હી પોલીસે બેબી કેર સેન્ટરના માલિક ડૉ. ધરપકડ કરી

પૂર્વ દિલ્હીના વિવેક વિહારમાં શનિવારે રાત્રે બેબી કેર સેન્ટરમાં લાગેલી ભીષણ આગમાં સાત બાળકોના મોત થયા હતા. જ્યારે આ અકસ્માત થયો ત્યારે બેબી કેર સેન્ટરમાં ૧૨ નવજાત બાળકો હતા. દિલ્હી પોલીસે બેબી કેર સેન્ટરના માલિક ડૉ. નવીનની ધરપકડ કરી લીધી છે. તેની દિલ્હીથી ધરપકડ કરવામાં આવી છે. નવીન દિલ્હીમાં ઘણા બેબી સેન્ટર ચલાવે છે. પોલીસ તેની પૂછપરછ કરી રહી છે. દિલ્હી પોલીસ એફઆઈઆરમાં કલમ ૩૦૪ પણ ઉમેરી શકે છે.

પૂર્વ દિલ્હીના વિવેક વિહારમાં શનિવારે રાત્રે બેબી કેર સેન્ટરમાં લાગેલી આગમાં સાત બાળકો દાઝી ગયા હતા. જ્યારે આ અકસ્માત થયો ત્યારે બેબી કેર સેન્ટરમાં ૧૨ નવજાત બાળકો હતા. અકસ્માત બાદ બેબી કેર સેન્ટરના માલિક ડૉ.નવીન ખીચી ફરાર થઈ ગયા હતા.

મુખ્ય વાત તો તે છે કે, ડો. નવીન ખીચીના બેબી કેર સેન્ટરનો ગુનાહિત બેદરકારીનો ઈતિહાસ છે. ૨૦૨૧ માં, નવીન ખીચી અને સંભાળ- નવજાત અને બાળ હોસ્પિટલ, વિવેક વિહાર ફેઝ વન વિરુદ્ધ આઈપીસીની કલમ ૩૨૫, ૫૦૬, ૩૪ અને જુવેનાઇલ જસ્ટિસ એક્ટ (બાળકોનું રક્ષણ અને સંભાળ) ની કલમ ૭૫ હેઠળ એફ આઈ આર નોંધવામાં આવી હતી. આ એફઆઈઆરમા નવીન ખીચી પર ર્નસિંગ હોમની નોંધણી ન કરવા અને કેસ હિસ્ટ્રીને ખોટી બનાવવાના આરોપો હતા. આ એફઆઈઆર હાથરસના એક દંપતીએ નોંધાવી હતી, જેમણે તેમના નવજાત બાળકને આ હોસ્પિટલમાં દાખલ કર્યું હતું. ડૉ નવીનની હોસ્પિટલમાં દંપતીના બાળકનો ડાબો હાથ તૂટી ગયો હતો.

જ્યારે દંપતીએ હોસ્પિટલના સીસીટીવી ફૂટેજ જોયા ત્યારે તેમને હકીકત જાણવા મળી હતી કે એક નર્સ દ્વારા તેમના માસૂમ બાળકને માર મારવામાં આવ્યો હતો, જેના કારણે તેનું હાડકું તૂટી ગયું છે. જ્યારે દંપતીએ આ અંગે નવીન ખીચીને ફરિયાદ કરી તો તેણે કથિત રીતે દંપતીને ધમકી આપી હતી. આ સિવાય ૨૦૨૧માં તપાસ દરમિયાન એવું પણ જાણવા મળ્યું હતું કે ર્નસિંગ હોમ દિલ્હી ર્નસિંગ હોમ એક્ટ હેઠળ નોંધાયેલું ન હતું, પરંતુ દંડ ચૂકવ્યા બાદ આ કેસનો નિકાલ કરવામાં આવ્યો હતો.