બાબા સિદ્દીકી હત્યા કેસમાં પોલીસને મળી સફળતા, મુખ્ય શૂટર શિવકુમાર સહિત ૫ની ધરપકડ

મહારાષ્ટ્રના પૂર્વ મંત્રી અને એનસીપી નેતા બાબા સિદ્દીકીની હત્યા કેસમાં વધુ ૫ લોકોની ધરપકડ કરવામાં આવી છે. આ કેસમાં શૂટર શિવકુમાર અને તેને આશરો આપનારાઓની રવિવારે (૧૦ નવેમ્બર) ધરપકડ કરવામાં આવી હતી. જી્‌હ્લ ઉત્તર પ્રદેશ અને મુંબઈ ક્રાઈમ બ્રાન્ચની સંયુક્ત ટીમે આ શૂટરને પકડ્યો છે. પોલીસે તેને નાનપરા બહરાઈચમાંથી પકડી પાડ્યો હતો. કહેવામાં આવી રહ્યું છે કે આરોપી શૂટર શિવકુમાર નેપાળ ભાગી જવાની યોજના બનાવી રહ્યો હતો. જી્‌હ્લ ટીમનું નેતૃત્વ પ્રમેશ કુમાર શુક્લાના હેડક્વાર્ટર સ્થિત ટીમના સબ ઈન્સ્પેક્ટર જાવેદ આલમ સિદ્દીકીએ કર્યું હતું. શૂટર શિવકુમારની ધરપકડ કરવા ઉપરાંત, પોલીસે અનુરાગ કશ્યપ, જ્ઞાન પ્રકાશ ત્રિપાઠી, આકાશ શ્રીવાસ્તવ અને અખિલેશેન્દ્ર પ્રતાપ સિંહની પણ તેને આશ્રય આપવા અને નેપાળ ભાગી જવાના પ્રયાસમાં મદદ કરવાના ગુનામાં ધરપકડ કરી છે.

જણાવવામાં આવી રહ્યું છે કે બહરાઈચના ગંડારાનો રહેવાસી શિવ બાબા સિદ્દીકીની હત્યામાં સામેલ હતો. મુંબઈ પોલીસ એક મહિનાથી મુખ્ય આરોપીને શોધી રહી હતી. મહારાષ્ટ્રના પૂર્વ મંત્રી બાબા સિદ્દીકીની હત્યાના સંદર્ભમાં સતત તપાસ ચાલી રહી છે અને આરોપીઓની ધરપકડ કરીને પૂછપરછ કરવામાં આવી રહી છે. આ પહેલા ગુરુવારે (૭ નવેમ્બર) મુંબઈ ક્રાઈમ બ્રાન્ચે પુણેમાંથી વધુ બે લોકોની ધરપકડ કરી હતી. આ પહેલા બુધવારે મુંબઈ ક્રાઈમ બ્રાન્ચે પૂણેથી ગૌરવ અપુને (૨૩)ની ધરપકડ કરી હતી. તપાસ દરમિયાન પોલીસને જાણવા મળ્યું કે ગૌરવ બાબા સિદ્દીકીની હત્યાની યોજના બનાવવા માટે અન્ય આરોપીઓને ઘણી વખત મળ્યો હતો. તમને જણાવી દઈએ કે દ્ગઝ્રઁ નેતા બાબા સિદ્દીકીની ૧૨ ઓક્ટોબરે મુંબઈના બાંદ્રામાં તેમના પુત્ર જીશાન સિદ્દીકીની ઓફિસની બહાર ગોળી મારીને હત્યા કરવામાં આવી હતી. આ હત્યાની જવાબદારી લોરેન્સ બિશ્નોઈ ગેંગે લીધી હતી.