૭ મહિના બાદ મહિલા દિવસ પર રિયાએ સોશિયલ મીડિયા શેર કરી પોસ્ટ

બોલિવુડ એકટ્રેસ રિયા ચક્રવર્તી લાંબા સમયથી સોશિયલ મીડિયાથી દૂર છે સાત મહિના પછી રિયાએ કોઇ પોસ્ટ લખી છે. સોમવાર, ૮ માર્ચ, આંતરરાષ્ટ્રીય મહિલા દિવસ નિમિત્તે રિયાએ એક પિક્ચર શેર કર્યું. તેણે તેની માતા સાથે એક તસવીર શેર કરી અને મહિલા દિવસની શુભેચ્છા પાઠવી. મહત્વની વાત એ છે કે રિયા ચક્રવર્તી પર અભિનેતા સુશાંત સિંહ રાજપૂતનાં નિધન પછી ઘણા આક્ષેપો થયા હતા. ત્યારબાદ તે સોશિયલ મીડિયાથી દૂર હતી, તેણે ૨૭ ઓગસ્ટના રોજ છેલ્લી પોસ્ટ કરી હતી. રિયાએ તેના ઇન્સ્ટાગ્રામ અકાઉન્ટ પર એક ખાસ તસવીર શેર કરી છે. આ તસવીરમાં તે તેની માતાનો હાથ તેના હાથમાં રાખીને ઉભી છે.
આ પિક્ચરમાં બંનેનો ચહેરો દેખાતો નથી તેમના હાથ દેખાય છે. તેણે આ તસવીર શેર કરી અને લખ્યું- ‘અમને મહિલા દિવસની શુભેચ્છા પ માતા અને હું પ કાયમ સાથે પ મારી શક્તિ, મારી શ્રદ્ધા, ધીરજ – મારી માતા. રિયાની આ પોસ્ટ સોશિયલ મીડિયા પર ખૂબ જ વાયરલ થઈ રહી છે. અગાઉ, તેમણે ૨૭ ઓગસ્ટે છેલ્લી પોસ્ટ લખી હતી. જેમાં તેણે તે જણાવ્યું હતું કે કેવી રીતે લોકો તેના ઘરની બહાર તેના પિતાને ઘેરીને ઉભા છે. સુશાંતના મૃત્યુ પછી, રિયા પર વિવિધ પ્રકારના આરોપો લગાવવામાં આવ્યા હતા.

આ કારણે રિયા પણ જેલમાં ગઈ હતી. તે જ સમયે, તે ડ્રગ્સના કેસમાં પણ પોલીસની પકડમાં આવી હતી. પાછળથી તેને જામીન મળી ગયા હતા, ત્યાં સુધીમાં તેમનું જીવન અને બોલિવુડમાં તેનું સ્થાન ઘણું બદલાઈ ગયું હતું. રિયા બોલિવુડની ઈન્ડસ્ટ્રીઝમાં હાંસીયામાં ઘકેલાઇ ગઇ છે. પોતાની ફિલ્મ વિશે વાત કરતાં, રિયાએ બોલિવુડમાં તેની અભિનય કારકીર્દિની શરૂઆત ફિલ્મ ‘મેરે ડેડ કી મારુતિ’ થી કરી હતી. તે જ સમયે, ફિલ્મ ‘સોનાલી કેબલ’ માં મુખ્ય ભૂમિકા નિભાવી હતી. આ પછી, તેની કારકિર્દીનો ગ્રાફ વધવાની ધારણા હતી.