સિંગર સનમ પુરીએ તેની ગર્લફ્રેન્ડ સાથે લગ્ન કરી લીધા, વિડીયો થયો વાઈરલ

ફેમસ સિંગર સનમ પુરીએ ચોરીછુપી લગ્ન કરી લીધા છે. સનમે નાગાલેન્ડની લાંબા સમયની ગર્લફ્રેન્ડ રહેલી ઝુચોબેની તુંગો સાથે લગ્ન કરી લીધા છે. કહેવામાં આવી રહ્યું છે કે બંનેએ ૧૧ જાન્યુઆરી, ગુરુવારે લગ્ન કર્યા હતા. હવે લગ્નનો વીડિયો પણ સોશિયલ મીડિયા પર વાયરલ થવા લાગ્યો છે, જેમાં જાેઈ શકાય છે કે સનમ અને ઝુચોબેની ખ્રિસ્તી રીતિ-રિવાજ મુજબ લગ્ન કરી રહ્યાં છે. ઈન્સ્ટાગ્રામ પર સનમના ફેન પેજ દ્વારા આ વીડિયો શેર કરવામાં આવ્યો છે. ઝુચોબેનીની વાત કરીએ તો તેઓ વ્યવસાયે ગાયક છે. આ સિવાય તે મોડલિંગ પણ કરે છે. સનમ અને ઝુચોબેનીએ ક્યારેય પોતાના સંબંધોને દુનિયાથી છુપાવવાનો પ્રયાસ કર્યો નથી.

ઘણીવાર બંને પોતાના સોશિયલ મીડિયા પેજ પર એકસાથે અનેક ફોટો અને વીડિયો શેર કરતા રહે છે. ગઈકાલે જ ઝુચોબેનીએ તેના ઈન્સ્ટાગ્રામ પર દુલ્હન બનવાનો વીડિયો શેર કર્યો હતો. આ વીડિયોમાં ઝુચોબેની પરંપરાગત સફેદ ઓફ શોલ્ડર ગાઉન પહેરેલો જાેવા મળે છે. તેણે મિનિમલ મેકઅપ, ડાયમંડ ઈયરિંગ્સ અને હાઈ બન હેરસ્ટાઈલ સાથે પોતાનો લુક કમ્પ્લીટ કર્યો છે. અહીં તે ખૂબ જ સુંદર લાગી રહી છે. જ્યારે સનમ પુરી બ્લેક બ્લેઝર સૂટમાં ખૂબ જ હેન્ડસમ લાગી રહી છે. હવે આ વીડિયો ચાહકોમાં ઘણો વાયરલ થઈ રહ્યો છે. પ્રશંસકોએ ગાયકને જીવનની નવી સફર માટે શુભેચ્છાઓ પાઠવી રહ્યા છે

તમને જણાવી દઈએ કે સનમ પુરી એ ‘ઈશ્ક બુલાવા’ અને ‘ધત તેરી કી’ ફકીરા જેવા સુપરહિટ ગીતો ગાયા છે.સિંગર સનમ હમેંશા તેના ગીતોને લઈને દેશ અને દુનિયામાં ચાહકોનો ફેવરિટ છે. સનમ પુરી ઘણા જૂના સુપરહિટ ગીતોની શાનદાર રિમેક બનાવવા માટે પણ લોકપ્રિય છે. તે ભારતીય પોપ-રોક બેન્ડ સનમનો એક ભાગ છે. સનમે કહ્યું છે કે હું કહી શકતો નથી કે હું કેટલો ખુશ છું. આ લગ્ન હું હંમેશા ઇચ્છતો હતો. આપણી વચ્ચે જે બંધન છે તે શબ્દોમાં વ્યક્ત કરી શકાય તેમ નથી. હું મારી પત્ની સાથે નવી શરૂઆત માટે ખૂબ જ ઉત્સાહિત છું. તેના લગ્ન વિશે વધુ વિગતો શેર કરતા, ગાયકે કહ્યું કે લગ્ન પંજાબી પરંપરાઓ અને નાગા રિવાજાે મુજબ થયા હતા.