‘પોટલી સમોસા’ ક્યારે પણ ખાધા છે? જો ‘ના’ તો બનાવો આ રીતે ઘરે
સમોસાનું નામ તો દરેક લોકોને ખબર જ હશે, પણ શું તમે ક્યારે પોટલી સમોસાનું નામ સાંભળ્યું છે? આ જાણીને તમે પણ વિચારમાં પડી ગયા હશો કે આ શું છે. તો આજે અમે તમને જણાવીશું કે પોટલી સમોસા કેવી રીતે ઘરે બનાવશો.
સામગ્રી
2 બાઉલ મેંદો
તેલ
અજમો
બાફેલા બટાકા
જીરું
હિંગ
હળદર
સ્વીટ કોર્ન
ઝીણી સમારેલી ડુંગળી
લીલા મરચા
સૂકી મેથી
મીઠું
લાલ મરચું
તળવા માટે તેલ
જરૂર મુજબ પાણી
બનાવવાની રીત
- પોટલી સમોસા બનાવવા માટે સૌ પ્રથમ એક બાઉલ લો અને એમાં મેંદો, અજમો, મીઠું, તેલ તેમજ પાણી એડ કરીને લોટ બાંધી લો.
- આ લોટને 5 થી 7 મિનિટ જેટલો મસળજો, જેથી કરીને એમાં સોફ્ટનેસ આવે.
- એક પેનમાં બે ચમચી તેલ મુકો અને તેલ ગરમ થાય એટલે એમાં જીરું, હિંગ, ડુંગળી અને લીલા મરચા એડ કરીને સાંતળી લો.
- મસાલો બરાબર તૈયાર થઇ જાય એટલે ગેસ પરથી ઉતારી લો.
- આ બધી પ્રોસેસ થઇ જાય એટલે બાફેલા બટેકા, સ્વીટકોર્ન ઉમેરીને બરાબર મિક્સ કરી લો.
- લોટના નાના-નાના લુઆ બનાવી લો અને પછી તેને વણી લો.
- હવે એમાં બટાકાના મસાલો ભરીને પોટલી શેપમાં બંધ કરી લો. પોટલીની ઉપરની સાઇડમાં તમે થોડુ પાણી પણ લગાવી શકો છો.
- એક પેન લો અને એમાં તેલ ગરમ કરવા માટે મુકો.
- તેલ ગરમ થઇ જાય એટલે ધીમા ગેસે પોટલી સમોસાને આછા બ્રાઉન રંગના થાય ત્યાં સુધી તળી લો.
- તો તૈયાર છે પોટલી સમોસા
આ પોટલી સમોસાની સાથે તમે સોસ ખાઓ છો તો બહુ જ મજા આવે છે.
Recent Comments