fbpx
અમરેલી

અમરેલી જિલ્લાની ખાનગી હોસ્પિટલોને અપાતો ઓક્સીજન પુરવઠો બંધ કરવામાં આવેલ છે જે તાત્કાલિક ચાલુ કરવા માંગ કરતા પરેશ ધાનાણી

આપણા રાજયમાં કોરોનાના નવા સ્ટ્રેઈનના કારણે કોરોનાની સ્થિતિ બેકાબુ બની ગઈ છે અને રાજયના તમામ જિલ્લાઓમાં કોરોનાનું સંક્રમણ હરણફાળ ગતિથી વધી રહ્યું છે . અમદાવાદ , સુરત , વડોદરા , રાજકોટ જેવા મોટા શહેરો સહિત નાના શહેરો અને ગ્રામ્ય વિસ્તારમાં પણ કોરોનાએ વિકરાળ સ્વરૂપ ધારણ કર્યું છે . કોરોનાના કારણે આજે તમામ જિલ્લા અને તાલુકામાં પણ સરકારી અને ખાનગી હોસ્પિટલો કોરોના સંક્રમિત દર્દીઓથી ઉભરાઈ રહી છે . મારા વિધાનસભા મતવિસ્તાર અમરેલી જિલ્લામાં પણ કોરોનાનું સંક્રમણ સતત વધી રહેલ છે . અમરેલી જિલ્લાની સરકારી હોસ્પિટલો અને ખાનગી હોસ્પિટલોમાં કોરોનાના દર્દીઓ મોટી સંખ્યામાં સારવાર લઈ રહ્યા છે . કોરોનાના દર્દીઓ માટે ઓક્સીજનની ખાસ જરૂરિયાત છે . અમરેલી જિલ્લામાં પણ દરરોજ ૧૧ ટન જેટલા ઓક્સીજનની જરૂરિયાત રહે છે . અમરેલી જિલ્લાની ખાનગી હોસ્પિટલોને અચાનક જ ઓક્સીજન પુરવઠો આપવાનું બંધ કરવામાં આવેલ છે , જેના કારણે ખાનગી હોસ્પિટલમાં સારવાર લેતા કોરોનાના દર્દીઓ મોતના મુખમાં ધકેલાઈ જશે . આજે સવારે ૧૧-૦૦ કલાકની સ્થિતિએ માત્ર બે કલાક ચાલે તેટલો જ ઓક્સીજનનો પુરવઠો ઉપલબ્ધ છે .

અમરેલી જિલ્લાને રાજકોટ , ભાવનગર અને સુરેન્દ્રનગર જિલ્લામાંથી ઓક્સીજનનો પુરવઠો ફાળવવામાં આવે છે , જે ખાનગી હોસ્પિટલોને છેલ્લા બે દિવસથી બંધ કરી દેવામાં આવેલ છે . ખાનગી અને સરકારી હોસ્પિટલમાં સારવાર લઈ રહેલ તથા હોમ આઈસોલેશનમાં રહેલ દર્દીઓને ઓક્સીજનની ખાસ જરૂરિયાત છે . અમરેલી જિલ્લામાં ઓક્સીજનનો પ્લાન્ટ પણ નથી , જેથી તાત્કાલિક અસરથી અમરેલી જિલ્લામાં ઓક્સીજનના ડેસ્ટીનેશન ઉભા કરી અમરેલી જિલ્લાને પૂરતા પ્રમાણમાં ઓકસીજન પુરવઠો મળી રહે તેવી વ્યવસ્થા યુદ્ધના ધોરણે કરવા મારી ખાસ વિનંતી સહ ભલામણ છે . અન્યથા ઓક્સીજનના વાંકે હજારો દર્દીઓ મોતના મુખમાં ધકેલાઈ જશે ,

google.com, pub-3877344041668511, DIRECT, f08c47fec0942fa0
Follow Me:

Related Posts

google.com, pub-3877344041668511, DIRECT, f08c47fec0942fa0