ટીડીપીના વડા ચંદ્રાબાબુ નાયડુ સાથે સંકળાયેલી એક કંપનીએ છેલ્લા કેટલાક દિવસોમાં શેરબજારમાં અદ્ભુત વળતર આપ્યું

લોકસભા ચૂંટણી ૨૦૨૪ ના પરિણામો આવ્યા ત્યારથીજ ટીડીપીના વડા ચંદ્રાબાબુ નાયડુ કહું ચર્ચાઓમાં રહ્યા છે. ત્યારે નાયડુ સાથે સંકળાયેલી એક કંપનીએ છેલ્લા કેટલાક દિવસોમાં શેરબજારમાં અદ્ભુત વળતર આપ્યું છે, જેમાં તેમના પરિવારનો મોટો હિસ્સો છે. આ કંપનીએ છેલ્લા પાંચ દિવસ દરમિયાન ઉત્તમ વળતર આપ્યા બાદ ચંદ્રબાબુ નાયડુના પરિવારની સંપત્તિમાં રેકોર્ડ વધારો થયો છે.

ટીડીપીના વડા ચંદ્રબાબુ નાયડુની આ કંપની હેરિટેજ ફૂડ્‌સ લિ. ટીડીપીના વડા ચંદ્રાબાબુ નાયડુ દ્વારા ૧૯૯૨માં સ્થપાયેલી કંપનીમાં ડેરી, રિટેલ અને એગ્રી એમ ત્રણ બિઝનેસ ડિવિઝન છે. એન ચંદ્રબાબુ નાયડુના પુત્ર નારા લોકેશ હેરિટેજ ફૂડ્‌સના પ્રમોટરોમાંના એક છે, કંપનીના એક્સચેન્જ ફાઇલિંગ મુજબ. આ શેરે ૫ દિવસમાં રોકાણકારોને ૫૫.૭૯ ટકા વળતર આપ્યું છે. છેલ્લા એક મહિનામાં આ શેર ૧૦૧ ટકાથી વધુ વધ્યો છે. આ સ્ટોક હેરિટેજ ફૂડ્‌સ લિમિટેડ છે.

હેરિટેજ ફૂડ્‌સના શેરમાં ભારે ઉછાળાને કારણે નાયડુના પરિવારની સંપત્તિમાં ભારે વધારો થયો છે. બીએસઈ શેરહોલ્ડિંગ અનુસાર, કંપનીમાં મુખ્યમંત્રી પદના ઉમેદવાર ચંદ્રબાબુ નાયડુના પરિવારનો કુલ હિસ્સો ૩૫.૭૧% છે, જે ૩,૩૧,૩૬,૦૦૫ શેરની સમકક્ષ છે. છેલ્લા પાંચ દિવસમાં દરેક શેરમાં રૂ. ૨૩૭નો વધારો થયો છે. આ સ્થિતિમાં કુલ નફો ૭૮૫ કરોડ રૂપિયા થઈ ગયો છે. નાયડુના પુત્ર નારા લોકેશ ૩૧ માર્ચ, ૨૦૨૪ સુધી લગભગ ૧૦.૮૨% હિસ્સા સાથે હેરિટેજ ફૂડ્‌સના પ્રમોટર છે. અન્ય પ્રમોટર્સમાં ભુવનેશ્વરી નારા અને દેવાંશ નારાનો સમાવેશ થાય છે, જેઓ કંપનીમાં અનુક્રમે ૨૪.૩૭ ટકા અને ૦.૦૬ ટકા હિસ્સો ધરાવે છે. હેરિટેજ ફૂડ્‌સમાં નારા બ્રહ્માણી બહુ ૦.૪૬% હિસ્સો ધરાવે છે.

હેરિટેજ ફૂડ્‌સનો શેર શુક્રવારે ૧૦ ટકાની ઉપલી સકિર્ટ સાથે રૂ. ૬૬૧.૨૫ પર બંધ થયો હતો, જે પણ ૫૨ સપ્તાહની ઊંચી સપાટી છે. આ સ્ટોક છેલ્લા ત્રણ દિવસથી અપર સકિર્ટ કરી રહ્યો છે. તેની ૫૨ સપ્તાહની નીચી કિંમત ૨૦૬.૬૦ રૂપિયા પ્રતિ શેર છે. કંપનીનું કુલ માર્કેટ કેપ રૂ. ૩,૯૫૬ કરોડ છે.